Lorem Ipsum is simply dummy text of the printing and typesetting industry. Lorem Ipsum has been the industry's standard dummy text ever since the 1500s
listen to Tru Fm Current Affairs
Tru Fm Current Affairs
30MinutesLive-Rising teenage pregnancy figures in South Africa have renewed urgent calls for action.
Amanani anayukayo okukhulelwa kwabantwana eMzantsi Afrika aphinde amamelela ukuthathwa koxanduva ziindawo zoluntu ekukhalimeleni amadoda amadala aye alale nabantwana, nokuba uluntu lufundise abantwana ngemiphumela yokwabelana ngesondo kwiminyaka eselula. UAyabonga Kekana uncokole nengcali ngemo yentlalo, uNjingalwazi Jabulani Kheswa…
LIQOUR BOARD ACT
Kuvulwe idokhethi lophando phantsi komthetho iContravention of the National Liquor Act 59 yonyaka ka-2003, kulandela ushicilelo oluye lwathi ndii kumakhasi onxibelelwano nalapho lubonisa abantwana bethe qhiwu iibhotile zotywala, bambi bezisela. Aba bantwana kukholeleka ukuba baphakathi kweminyaka emithathandu nelishumi elinambini ubudala. Eyona nto edale isankxwe ngamandla kukuba ababantwana babonakala oku bekwenza phakathi kwabantu abadala nekungenzeka ukuba abanye ngabazali babo. Emva kwesi sankxwe umphathiswa wesebe lophuhliso loluntu eMpuma Koloni uBukiwe Fanta, uye wathumela oonontlalo-ntle kummandla waseNgqamakhwe apho kukholeleka ukuba oku kwenzeke khona. Kungoku nje uphando lwamapolisa luyaqhuba. Sithe apha enkqubeni masifumane ilizwi eliphuma kwibhodi elawula iindawo zoshishino ngotywala nekwayiyo ethi iwise imithetho ngokusebenza kwezi ndawo apha ephondweni, i-Eastern Cape Liquor Board, uGqirha Mgwebi Msiya…
NEWS REVIEW - 2025, A YEAR THAT WAS
Unyaka ka-2025 ibe ngunyana obe neziganeko ezisematheni nezitshis' ibunzi kupolitiko, imontlalo noqoqosho lwelizwe loMzantsi Afrika. Eli lizwe libone ukwehla kweqondo lenzala kwimali-mboleko izihlandlo eziliqela, ukukhutshwa kweli kuluhlu lwamazwe axhasa ngemali izenzo zobunqolobi, igreylisting ngolwasemzini. Singayilibala njani inkomfa yamajelo eendaba engundaba-mlonyeni yangomhla wesithandathu kuJune walo nyaka, yomkhomishinala wamapolisa kwiphondo iKwaZulu-Natal, uLt General Nhlanhla Mkhwanazi, nemiphumela yayo, nalapho wathi wenza izityholo zongenelelo loonqevu, oosopolitiki norhwaphilizo kwinkonzo yesipolisa nakwinkqubo yezobulungisa? Koloko ke sigqibe kwelokuba kwinkqubo-ndaba yakho namhlanje makhe sikukhumbuze ngamanye ala manqaku aye adala isankxwe kwisizwe siphela. Ukuxoxa banzi ngale miba neminye, sakuthi sithethe neentatheli zeli jelo ezahlukileyo, uZalene Merrington, uSibahle Motha, uAbongile Jantjies, uSisipho Ngcumbe, uMonwabisi Jimlongo wezemidlalo, ze kamva sibenaye nomhlalutyi wezopolitiko, uGqirha Mkhuseli Vimba. Masiqale ngentatheli yeli jelo epalamente, nebilandela iintshukumo zekomiti yexeshana, neyathi yasekwa, ngeenjongo zokuphanda ngezi zityholo zikaMkhwanazi. On the line now we are joined by our reporter, Zalene Merrington...
INTERCHANGE - Experts warn against overstretching the budget this festive season.
Nanjengoko ulutsha ilolona luyinxenye enkulu yabavoti beloMzantsi Afrika, zisaqhuba zona iinkxalabo ngokwehla kwentatho-nxaxheba yalo kuvoto, nanjengoko kusiyiwa kunyulo loomasipala lonyaka ozayo. Imibutho yolutsha imi kwelokuba yenza ukuba imigaqo neenkqubo zayo ithethe ngqo neemfuno zabavoti. Noxa kunjalo, abahlalutyi balumkisa ngelithi ukungabikho konxibelelwano phakathi kokuthethwa ngoosopolitiki, kwakunye noko kuphilwa luluntu imihla ngemihla, kuko okudala ukuba abantu abatsha bangabi namdla wokuvota. UZara Groenewald usenzele le ngxelo...
INTERCHANGE - This year has proven to be one of the most tumultuous for the ANC Tripartite Alliance
Lo nyaka ubonakalise ukuba ngowona nyaka unzima kakhulu kunxantathu okhokelwa yi- ANC. Ubudlelane obuyimbali beminyaka bungaqhekeka, nalapho umbutho wamakomanisi, iSACP, ufunge ngokuthatha inxaxheba ngokuzimeleyo kunyulo lorhulumente basekhaya ngonyaka ka-2026, nakwezinye iinkqubo zonyulo ezilandelayo. Emva kweendibano ezininzi nogxa wawo kunxantathu, iANC, amakomanisi amile kwelokuba afuna ulawulo lombuso, emva kokusilela kwawo ukubonisa iANC ukuba afuna kwenziwe iinguqu kunxantathu. Intatheli yedesika yezoPolitiko eSABC, uNtlantla Kgatlhane, ujonga ukuba uqhube njani lo nyaka kunxathathu okhokelwa yi-ANC, kule ngxelo siyiphathelwe nguBabalwa Mtengenya..
30 MINUTES LIVE - The issue of deaths during initiation season in the Eastern Cape remains one of the most complex challenges for this season
Minyaka le, ukuqala kwexesha lolwaluko kwiMpuma Koloni kuvusa inkxalabo malunga nokusweleka kwabakhwetha ngeli xesha. Nangona eli siko libalulekile kwinkcubeko yoluntu, ukusweleka kwabantwana kuyaqhuba kuphakamisa imibuzo ngokuthotyelwa kwesiko, kube kwangaxeshanye kukhuselwa abantwana abathath' inxaxheba kweli siko. Ukuncokola ngokulinganisa phakathi (BALANCE) kokugcinwa kwenkcubeko, nelungelo lobomi, emnxebeni uAyabonga Kekana ubambe ongumphandi, uYanga Funani...
What Artificial Intelligence is in a workplace
Ubuchwepheshe obukwinqanaba eliphezulu nolwaziwa njenge-Artificial Intelligence ngolwasemzini busebenza ngokubalulekileyo ngokumandla kwiindawo zengqesho. Olu hlobo lobuchwepheshe lunegalelo elibaluleke kakhulu kwiinkampani ekuphuculeni umsebenzi wazo ubengcono, kwaye luza nenguqu kuhlobo lokwenza izinto. Nangona kunjalo, obu buchwepheshe bubonwa njengomngcipheko onokukhokhelela ekulahlekeni kwemisebenzi nokudodobalisa ukucinga nokusiphula-umthetho. UAyabonga Kekana uncokola nengcali kwezo buchwepheshe uSiphumelele Zondi..
Exploration of Whatsapp as a formal communication tool in the workplace
Iqonga lonxibelelwano uWhatsApp sele lisetyenziswa kwiindawo zentsebenzo njengeqonga lonxibebelelwano, phakathi kwabasebenzi. Abaphathi baye basebenzise ii-WhatsApp Groups ukukhupha imiyalelo kubasebenzi. Ezi groups zikwasetyenziswa njengeqonga lokwenza izazizo zomsebenzi. Unxibelelwano ku-WhatsApp lubonwa njengolulula nolukhawulezileyo xa kuthelekiswa nezinye iindlela zonxibelelwano, ezifana neminxeba okanye ii-emails. Nangona kunjalo, ezinye iindawo zengqesho azinayo imigaqo-nkqubo elawula eli qonga neyinika ingqwalasela ngokusesikweni njengeqonga lonxibelelwano emsebenzini. Kuye kwenzeke ntoni xa umyalelo okhutshwe kweli qonga ungalandelwa? UAyabonga Kekana uncokola nengcali kwimiba yezengqesho uThato Mxo.
Interchange-CONCERN OVER N10 TRUCK ACCIDENTS
Uhola wendlela uN10, nosuka eNanaga kufutshane naseGqeberha, uyokutsho kumda odibanisa eli loMzantsi Afrika neNamibia, ube nothotho lweengozi zendlela ezibandakanya izigadla kuwo wonke lo nyaka. Ingozi yakutshanje yeyesigadla esigraye izithuthi eziliqela ngethuba izama ukugqitha esinye, ngozi leyo ekhokelele ekuswelekeni komntu omnye. Ziliqela iintshukumo ezibekelwe ukubeka esweni abaqhubi bezigadla. Noko kunjalo, la hola wendlela usaqhuba ubeka ubomi babantu beli emngciphekweni, nalapho kuye kwaphawulwa nabaqhubi abaqhuba bephantsi kweempembelelo zotywala. UNandipha Plaatjie uza nengxelo...
How parents creating social media pages for their children can be seen as a violation of the child's/children's privacy
Abanye abazali baye bafake imifanekiso, noshicilelo lweevidiyo kunye neenkcukacha zabantwana babo kumakhasi onxibelelwano afana noFacebook, Instagram kunye noTikTok. Bambi bathi oku bakwenza ukugcina iinkumbulo zokukhula kwabantwana babo, ngethuba abanye besithi baye basebenzise la maqonga ukuphuhlisa iitalente zabantwana babo. Nangona oku kubonwa njengokulungileyo kodwa ngokomthetho kungabe kunyhasha amalungelo omntwana, afana nokunikeza imvume ukuba imifanekiso yabo ifakwe kumakhasi onxibelelwano ngaphandle kwemvume yabo, ukupapashwa kobomi babo ngaphandle kwemvume yabo, nokubeka ubomi babo emngciphekweni. Amakhasi onxibelelwano asetyenziswa kakhulu ngoonqevu ukuxhwila abantwana ngeenjongo zoshishino nokubaxhaphaza ngokwesondo. Masincokole ngamalungelo abantwana kule meko. UAyabonga Kekana uncokole negqwetha lamalungelo oluntu, uZukiswa Mqakanya
Minister of Small Business Development, Stella Tembisa Ndabeni, will convene a consultation session on the Inyamazane Fund
Isebe elijongene namashishini asakhulayo lizakubamba iinkqubo zokuthetha-thethana eMthatha, malunga nengxowa yenkxaso mali ebizwa Inyamazane, neyinkqubo ephantsi kwe Small Enterprise Development & Finance Agency (SEDFA). Le nkqubo imiselwe ukuxhasa amashishini aphantsi kwamagqala omkhosi. Ezi zingxoxo zokuqala zokuzama ukuvuselela lengxowa ukuze kuncedakale lamagqala omkhosi. UAyabonga Kekani uncokola nophuma kwi-SEDFA noyi-Chief Investment Officer, uRichard Manzini.
TRUNEWS @6 - ANCYL says registration of delegates has been concluded
Iphiko lolutsha kwiANC lithi lilindele ukuba ibeyimpumelelo inkomfa yamashumi amabini anesixhenxe kazwelonke, nengazukuphikiswa. Eliphiko lolutsha libhengeze abagqatswa balo abathandathu abachongiweyo. Le nkomfa izakubanjelwa kwiziko le mfundo iUniversity of Limpopo, kwi Mpuma yasePolokwane. Inkokheli yabantu abatsha, uCollen Malatji, kulindeleke ukuba aphinde onyulwe njengomongameli, kwakunye noTsakani Shivity ophakanyiswe njengonobhala jikelele. UMalatji uthethe nabeendaba ngokulungela kwabo ukusingatha le nkomfa. Umongameli weANC, uCyril Ramaphosa, ulindeleke ukuba yena athethe nabathunywa. Ngabathunywa abangamawaka amabini anamakhulu amathandathu (2600) abalindeleke bathathe inxaxheba kule nkomfa. Masive nanku uAmanda Xhala, kwingxelo esiyilungiselelwe ngu-Avhapfanu Munyai...
NEWS REVIEW - ANC NGC REVIEW
Kwiveki esiphuma kuyo, umbutho we-ANC ububambe intlanganiso yebhunga likazwelonke lalo mbutho, iNGC ngamafuphi. Le ntlanganiso, nebanjwa phakathi kweenkomfa, iqwalasele imiba eliqela, nequka ukuzigocagoca kwalo mbutho, kulandela ukubethwa kwawo kunyulo lukazwelonke lonyaka ophelileyo, ukuhlengahlengiswa komgaqo-nkqubo walo mbutho, kuquka nomgaqo-siseko wawo. Ukuxoxa banzi ngalo mba, emnxebeni uAyabonga Kekana ubambe ilungu leqoqo lolawulo kwi-ANC, uMzwandile Masina. Ukanti apha estudio sinomhlalutyi wezopolitiko, uNjingalwazi Ntsikelelo Breakfast...
INTERCHANGE - Act of Kindness Campaign 2025 Critical Request: 16 Boys Currently in Initiation Need Immediate Support
Ukuya kwamakhwenkwe esuthwini lisiko elibaluleke kakhulu kwaXhosa. Iba yimincili kwiintsapho nezihlobo, kuguywe, kubhiyozwe kubemnandi. Noxa kunjalo, kwamanye amakhaya iba yintlungu kuba engazi ukuba aza kudibanisa ntoni nantoni ukuze unyana wekhaya elo aye entabeni abuye, ze amkelwe ngemibhiyozo. Kungeso sizathu ke umbutho iSakhisizwe School of Tradition, Culture, Leadership, and Excellence, neyiyinkqubo ephantsi kwe-Eastern Cape Men's Movement, igqibe kwelokuba ingenelele, ze incedise ngokuthi icele amalizo kwabo banakho ukuphosa nokuba yintonina, khon' ukuze amakhwenkwe alishumi elinesithandathu, nangabakhwetha sithethanje, afumane uncedo. Ukuva banzi ngalo mba, emnxebeni siqhagamishelana nosihlalo walo mbutho, uJongi Hoza...
INTERCHANGE - We review a book titled: The Beauty and Battle of a Single Mom
Kuhlalutyo lwencwadi, namhlanje sihlalutya incwadi esihloko sithi: The Beauty and Battle of a Single Mom, nebhalwe ngu Wendy Figlan. Le ncwadi iphehlelelwe kwiveki ephelileyo eKhayelitsha, eKapa kwiNtshona Koloni. Nje ngomama okhulisa umntwana eyedwa, uFiglan kule ncwadi ubalisa ngokuphola kwamanxeba asemphefumlweni, ukuthanda ngokungazenzisiyo nokuzixolela, ze uphinde ube namaphupha kwakho. Ukuva banzi ngengxam yale ncwadi, emnxebeni uAmanda Xhala ubambe umbhali wayo, uWendy Figlan...
30 MINUTES LIVE - The PAC is holding its elective conference in Gqeberha
Ingena kusuku lwesibini namhlanje inkomfa yePAC, nalapho kulindeleke ukuba yenyule iinkokheli ezintsha zala mbutho. Ukanti namhlanje kulindeleke ukuba umongameli wala mbutho, uMzwanele Nyhontso, awise ingxelo kamongameli egxile kumbutho. Ukuva banzi ngalo mba, emnxebeni uAyabonga Kekana ubambe unondyebo walo mbutho kuzwelonke, uJaki Seroke...
30 MINUTES LIVE - Statistics South Africa releases Poverty Trends in SA Report with insights across population groups and provinces
Iziko leenkcukacha-manani, iStats SA, izolo likhuphe ingxelo ngeqondo lendlala eMzantsi Afrika. Le ngxelo ijonga utshintsho kwiqondo lentlupheko phakathi kweminyaka u2006 no-2023, inika ingqwalasela kumaphondo ohlukileyo, kunye nangokwehluka kweentlanga kweli. To discuss more of this, on the line Ayabonga Kekana is joined by the Acting Deputy Director-General responsible for Population and Social Statistics at Stats SA, Mr. Solly Molayi...
TRUNEWS @6 - SASSA clarifies life certification process and confirms no suspension of social grants
I-Arhente yesibonelelo sendodla, uSASSA, uphawule imiyalezo ethe ndii kumakhasi onxibelelwano ngeenkcukacha ezingachanekanga nezilahlekisayo malunga nenkqubo yokwenziwa kwesiqinisekiso sokuphila kwabaxhamli, nenziwa yile arhente ukuqinisekisa abaxhamli bayo. Iinkcukacha ezikumakhasi onxibelelwano zithi njengokuba iqhuba le nkqubo, ziza kunqunyanyiswa izibonelelo. Kodwa ukuba sicaciselwe ngale nkqubo, emnxebeni uAmanlda Xhala ubambe umanejala ophezulu kwicandelo lonxibelelwano kwaSASSA eMpuma Koloni, uTabisa Nondwayi...
TRUNEWS @6 - The ANC President could be voted by all party members in good standing across the country as opposed to just around 4000 delegates at elective conferences
Onke amalungu eANC aselungelweni kufanele ukuba avotele umongameli walo mbutho, ngokunxamnye nangaphambili, apho ibiba ngabathunywa abangamawaka amane kwiinkomfa zonyulo kuphela abenza njalo. Oku kwakwenzeka kuphela ukuba inkomfa kazwelonke ye-ANC iyakwamkela oku, kuquka nezindululo ezigxile kwimigaqo-nkqubo yalo mbutho, kwa nohlengahlengiso kumgaqo-siseko wombutho. Oku kuvele kwintlanganiso yesihlanu yebhunga leANC kuzwelonke, iNGC. Le ntlanganiso, nequkunjelwayo namhlanje, iza kubona utshintsho kwimigaqo-nkqubo elishumi elinesibini equlathwe kumgaqo-siseko we-ANC, kwakunye neminye eliqela endululwayo kumgaqo-siseko welizwe loMzantsi Afrika. UZukiswa Tshume uza nengxelo esiyiqulunqelwe nguNtebo Mokobo...
TRUNEWS @6 - Oversight of the Presidency – parties react to new committee
Sizise iinguqu kupolitiko isigqibo sepalamente sokuseka ikomiti entsha eza kuqwalasela imiba ye-ofisi kamongameli. Oku kuphawula isiqalo ekubeni amalungu epalamente abe neqela elisekelwe ukuthabathisa uxanduva umongameli nosekela-mongameli, ngomsebenzi wabo. I-ofisi kamongameli buqu ilamkele eli nyathelo, nalapho usekela-mongameli uPaul Mashatile athi yena noMongameli uCyril Ramaphosa bakulungele ukuhlolwa komsebenzi wabo, ze baphendule nayiphina imibuzo esuka kumalungu epalamente, nebonwa nje ngesemdleni woluntu. Imibutho yezopolitiko eyahlukileyo iyalixhasa eli nyathelo lokusekwa kwale komiti, ngelithi linyathelo ebekufanele ukuba kudala lathatyathwa, ngokubhekiselele ekomelezeni intatho-xanduva kwi-ofisi kamongameli. UMkhokeli Bandla uza nengxelo...
TRUNEWS @6 - Highlights of the Parliament's Ad Hoc committee established to look into concerns around national security
Iqale ngolonwabu ikomiti yethutyana yasepalamente, nesekelwe ukuphanda ngenkxalabo ngokhuseleko lwesizwe, kodwa ithe apho iqale khona yatyelela nkqu kwintolongo enokhuseleko oluluqilima ePitoli. Le komiti yasekwa yipalamente ngomhla wamashumi amabini anesithathu kweyeKhala, emva kwenkomfa yamajelo eendaba eyayibanjwe ngumkhomishinala wamapolisa kwiphondo iKwaZulu-Natal, uLt General Nhlanhla Mkhwanazi, kwangaloo nyanga. UMkhwanazi wenza izityholo zongenelelo lolwaphulomthetho, urhwaphilizo nopolitiko kwinkqubo yezobulungisa, zityholo ezo ezibandakanya amanye amagosa aphezulu kwinkonzo yesipolisa, kuquka nomphathiswa wamapolisa uSenzo Mchunu osele ebekwe kwikhefu elikhethekileyo sithethanje. UZalene Merrington uqwalasela ezinye zezinto eziye zaphambili kule komiti, kule ngxelo siyiphathelwe nguZukiswa Tshume...
NEWS REVIEW - We are discussing the challenge of underage drinking in South Africa
Sibone amaphulo aliqela alumkisa ngokubanjwa kwemijuxuzo eyaziwa ngePens Down, kwiindawo ezahlukileyo kweli. Isebe lemfundo, imibutho engafumani nkxaso kurhulumente, noluntu ngokubanzi, bamenyelela ulonwabo olungenatywala nanjengoko abafundi begqibile ukubhala. ENelson Mandela Bay, bekubanjwe umsitho wePens Down nalapho bekukho izinto zokuzinwabisa kungekho tywala ngenzame zokuphelisa lomkhuba. Uyakusikhumbula isehlo saseEnyobeni nalapho kwasweleka abantwana abayi 21 ngonyaka ka2022. Namhlanje, sithe masixoxe ngomba wokusetyenziswa kotywala, ingaba busetyenzisa ngelixesha kuphela okanye sinengxaki yabantwana abasela utywala. Ukuxoxa banzi ngalo mba, emnxebeni uAyabonga Kekana ubambe ugqirha ojongene noxinizelelo lwengqondo nomphedumlo uNjingalwazi Jabulani Kheswa, kwakunye nomsunguli wephulo elibizwa i #ungazibulali matric campaign, uGqirha Sanele Gamede...
Interchange-First ever Africa-Europe-Middle East Earthquake Response to take place in Africa wraps in Gqeberha
Usekela mphathiswa wesebe lolawulo ngobambiswano nemicimbi yemveli, uPrince Zolile Burns-Ncamashe, ugxininise isidingo sentsebenziswano yehlabathi ukuqinisekisa ukuba amazwe anako ukumelana neentlekele ezinkulu zendalo. Uvakalise oku ngethuba esenza intetho ngosuku lokugqibela lendibano yelizwekazi i Afrika libambisene ne Europe, ebishukuxa amaqhinga okusabela kwiintlekele zendalo( iAfrica-Europe-Middle East Earthquake Response Exercise) eGqeberha kwiphondo iMpuma Koloni. Le ndibano ihlanganise amagosa ajongene nentlekele, amaqela ohlangulo, kunye nemibutho yesisa ephuma kwihlabathi, ukuhlola nokuqinisa uMzantsi Afrika ukuze ubenokulungela ukuqubisana neentlekele ezinkulu zendalo. Masive ngokubanzi kuSisipho Ngcumbe...
Interchange-Black Friday month proves to have been a success this year
Kubonakala ngathi ibeyi mpumelelo kulonyaka iBlack friday, nalapho umzuzu ngamnye kuthengwe amatyeli angapha kwamakhulu asithoba (900) ngosuku lweBlack Friday, ze kwathengwa amatyeli angamakhulu asixhenxe (700) ngomzuzu kwiCyber Monday. Ngokokutsho kwecandelo elijongene neentlawulo iPayInc, oku kubonakalisa ukusetyenziswa kakhulu kwemali ngelixesha. Inkampani ye insurance iVouch.co.za, ithi iintlawulo zenyanga yeNkanga zonyuke nge 15% xa kuthelekiswa nabanye oonyaka. Masive kwingxelo ka Nothando Magudulela...
COGTA has appointed a ten-person, multi-disciplinary task team to be deployed in the Nelson Mandela Bay Metro
Isebe lorhulumento ngentsebenziswano, lichonge iqela labantu abalishumi abazakujongana nendlela yokuziphatha kumasipala ombaxa iNelson Mandela Bay eMpuma Koloni ukuqinisa ulawulo, ukulungisa iinkqubo ezisilelayo lincedise nokuvuselela uhanjiso lweenkonzo. Olungenelelo luza njengokuba unondyebo weli egrogrise ngokubamba isixa-mali esingange 546 million randi eyabelwe lomasipala, ngaphandle kokuba lo masipala uthatha amanyathelo ngemali engaphezulu kwe 30billion randi kwinkcitho engafanelekanga esele kudala isenzeka. UNandipha Plaatjie usenzele le ngxelo...
Eastern Cape Transport and Health Departmens launch the festive season arrive alive campaign
Isebe lezothutho eMpuma Koloni lisebenzisana nelezempilo, lisungula iphulo lexesha leziyunguma lika fika uphila kuKomani. Amagosa ezendlela azakunikezwa izithuthi ezintsha ezingamashumi amathathu anesithandathu, ngelinge lokuqinisekisa ukuba ayabonakala ukuqinisekisa ukhuseleko ezindleleni. Kwisithuba nje saleveki idlulileyo, sele bebahlanu abantu ababhubhe ezindleleni, kwabanjwa abangamashumi asixhenxe ngokuqhuba phantsi kweempembelelo zotywala. Ukuncokola banzi ngeliphulo, Ayabonga Kekana uncokola nothethela isebe lezothutho apha ephondweni u Unathi Binqose......
TRUNEWS @6 - The Department of Military Veterans are verifying veterans, who need to receive benefits
ISebe lamagqala omkhosi libambe inkqubo kwisizwe siphela sokukhangela abo bangamagqala omkhosi, nabangasawafumaniyo amaqithiqithi ebekufanele ukuba baxhamla kuwo. Le nkqubo ikwaqulathe ukucocwa koluhlu lwabo, kususwe abo baxhamla ngobuqhetseba kwiSebe. Iqela elityunjwe ngumongameli elichongelwe ukubumba olu luhlu lwamagqala omkhosi, ukuqinisekisa ukuba kukho abantu abafanele ukuba kulo ngokwenene, ukucoca olu luhlu kwa nokomeleza umsebenzi wamagosa eli qela, sithethanje likuMntla Koloni isithuba esingangeeveki ezimbini ngelokukhangela amajoni angaqukwanga kolu luhlu. UZukiswa Tshume uza nengxelo kaKarabo Siyoko...
TRUNEWS @6 - Murder accused Katiso "KT" Molefe's two bodyguards have been arrested at the Alexandra Magistrate's Court north Johannesburg
Kubanjwe oonogada ababini baka Katiso KT Molefe nongumtyholwa kwityala lobulala. Oku kwenzeke kwinkundla kamantyi yaseAlexandra eRhawutini. UMolefe kwakunye nesithathu atyholwa naso, bavele okwethutyana enkundleni phambi kokuba ityala labo lithunyelwe kwinkundla ephakamileyo yaseRhawutini. UMolefe utyholwa ngokuba ngungqongqondo wokuqesha iinkabi zibulale abantu ekunye natyholwa nabo. Lamatyala aquka ukubulawa kwenjineli uArmand Swart, uOupa Sefoka nowaziwa ngoDJ Sumbody, uHector Buthelezi nowaziwa ngoDJ Vintos kwakunye nosomashishini, uDon Tindleni. UVuyolwethu Mabeqa ukwenzele le ngxelo kaSashin Naidoo...
Eastern Cape ANC Chairperson, Oscar Mabuyane, has poured cold water on any reports or suggestions that he is seeking a third term
Usihlalo we ANC eMpuma Koloni, uOscar Mabuyane, uzibhebhethile iingxelo zokuba ufuna ithuba lesithathu njengosihlalo wephondo nokuba sithetha nje wenza iinzame zokuba kwisikhundla esiphezulu salo mbutho kuzwelonke, xa kubanjwe unyulo lukazwelonke ngo2027. Uthi uyakuzicinga ezimbono xa kufike ixesha. UMabuyane ebethetha nejelo leSABC ngethuba lentlanganiso yebhunga lalombutho ephondweni, ngaphambi kwentlanganiso yesihlanu yebhunga kuzwelonke, nezakubanjwa ngoMvulo eBoksburg. UHlumisa Qabaka usenzele le ngxelo
30 MinutuesLive- : The Men's Council of South Africa embarks on a campaign to assist unemployed fathers to put smiles on the faces of their family members this festive season.
Ibhunga lamadoda oMzantsi Afrika liqalisa iphulo elizakunceda abantu abangootata abangaphangeliyo, ukwenza isimo sibengcono kwelixesha leziyunguma. Eliphulo libizwa "Support a Man in Need- Restore a Family, Rebuild a Nation". Elibhunga limemelela oosomashishini, amaziko ohlukileyo nabantu abanokukwazi ukuxhasa ukuba bafake isandla ekuncedeni ootata ngelixesha. Lilindeleke ukuba lifikelele kuwo onke amaphondo woMzantsi Afrika eliphulo. Ayabonga Kekana uncokola nomongameli we Mens Council of South Africa, u Fikile Dyantyi......
EC Health Department says migration of people from one city to another remains a challenge in keeping HIV affected people on treatment
Isebe lezempilo eMpuma Koloni lithi ukufuduka kwabantu besuka kwezinye izixeko besiya kwezinye, kusengumngeni ekuqinisekiseni ukuba abantu abanentsholongwane kagawulayo bafumana amachiza abo ngalolonke ixesha kweli phondo. Eliphondo liphawule usuku oluqwalasela ugawulayo kwihlabathi jikelele, kwaZakhele eGqeberha. Ngokokwengxelo esuka kwelisebe, ngabantu abasondele kwikhulu lamawaka namashumi amane anesibhozo abaphila nale ntsholongwane nabazaziyo, kodwa bengawasebenzisi amachiza okuyithomalalisa. Isebe lithi liphehlelele amaphulo amabini azakugxila ekubeni kungenwe umzi nomzi ukuze kufikelelwe ebantwini abangatyi mayeza. UNtombozuko Balintulo usenzele le ngxelo...
NEWS REVIEW - We discuss the National Disability Rights Awareness Month
Umhla wesithathu kweyeNkanga, ukuyakuthi ga kowesithathu kweyoMnga, qho ngonyaka, uMzantsi Afrika uphawula inyanga ebekelwe bucala ukunika ingqwalasela, nokubhiyozela amalungelo abantu abanokhubazeko, i-Disability Rights Awareness Month ngolwasemzini. Ukhubazeko lwenzeka esazalwa umntwana, kodwa ngamanye amaxesha umntu ulufumana ngexa esakhula, okanye ekukhuleni kwakhe. Le nyanga ke inika ithuba kuthi sonke ukuba sisuse imiqobo ebangela ukuba abantu abanokhubazeko bangawangcamli ngokupheleleyo amalungelo abo, kuquka nokuphucula ubomi babo, ngokuthi kuthatyathwe amanyathelo angawo. Urhulumente unoxanduva lokuqinisekisa umakulinganwe nokuxhotyiswa kwaye wonke umntu onokhubazeko. Kungenziwa njani ke ngoku ukuqinisekisa ukuba umntu onokhubazeko uphila ubomi bakhe ngokupheleleyo, axhamle kumathuba ngokufanayo nogxa wakeh ongenakhubazeko? Ukuxoxa banzi ngalo mba, emnxebeni uAyabonga Kekana ubambe usekela-sihlalo wombutho iDisabled Youth South Africa uNana Skenjana, kwakunye netshantliziyo elililizwi labantu abanokhubazeko uThembelihle Ngcai...
INTERCHANGE - CodeNgwana Launches First-Ever Future Innovators Coding Week in Gqeberha
Umbutho ongekho phantsi korhulumente, iCodeNgwana, uzakube uphehlelela iveki ebizwa iFuture Innovators Coding Week, eGqeberha kwiMpuma Koloni, nalapho kwakube kuqeqeshwa abafundi nootitshala abaphuma kwizikolo ezintandathu zesi sixeko, kwizifundo ze Coding. Olu qeqesho lwakubanjelwa kwisikolo samabanga aphakamileyo iSoqhayisa eMotherwell, ngomhla wokuqala ukuya kowesihlanu kweyoMnga. Ukuva banzi ngale nkqubo, emnxebeni uAmanda Xhala ubambe ingqonyela ye CodeNgwana, uNoluvuyo Gqadu...
INTERCHANGE - Eastern Cape Film Festival celebrates a decade
Ubhiyozela ishumi leminyaka waswekwayo umnyhadala wemiboniso-bhanya-bhanya weMpuma Koloni, iECFF ngamafuphi. Le mibhiyozo iza kuphawulwa kumyhadala oza kubanjwa ngomhla wokuqala uyokuma kowesithandathu kwinyanga ezayo, phantsi komxholo othi "It all starts with a dream - wake up and make it real". Lo mnyhadala uza kubonisa izakhono, nomsebenzi womboniso-bhabhanya oveliswe kweli phondo leMpuma Koloni. Ukusabela banzi, emnxebeni uAmanda Xhala ubambe umseki, nokwangumlawuli walo myhadala, uNceba Mqolomba...
30 MINUTES LIVE - Study reveals that the magistrates' lives are in danger
Uphando olwenziwe yi-Judges Matter, lubonakalisa ukuba ubomi bamagosa enkonzo yobulungisa naquka oomantyi busesichengeni, ngaphakathi nangaphandle kweenkundla. Bangaphezulu kwe-20 percent oomantyi abathi bayagrogriswa okanye bonzakaliswe, kanye okanye kabini ngonyaka. Ngelithuba i10 percent ichaza izehlo eziliqela zokugrogriswa. Sibonile oomantyi abaliqela bebambe imigushuzo kumaphondo ohlukileyo bevakalisa izikhalazo zabo. Emnxebeni uAyabonga Kekana ubambe othethela iJudges Matter, uMbekezeli Benjamin...
16 Days of Activism for No Violence Against Women and Children
Liyaqala namhlanje iphulo leentsuku ezilishumi elinesithandathu elijoliswe ekuchaseni ukuxhatshazwa kwabasetyhini nabantwana. UMzantsi Afrika ujamelene namaqondo axhomileyo okubulawa nokudlwengulwa kwamanina nabantwana. Kuloko kwiveki ephelileyo iphulo elibizwa iWomen for Change liye labamba uqhankqalazo, lamisa yonke into, ngelimemelela ukuchazwa kwalo mba nje ngentlekele yesizwe. Ekugqibeleni, umongameli uCyril Ramaphosa uye wayichaza njengentlekele yesizwe ingxaki yempatho mbi esekelezelwe kwisini nokubulawa kwamanina. Ayabonga Kekana speaks with the Advocacy and Operations Coordinator at Women For Change, Merlize Jogiat
Classification of GBVF as a National Disaster
UMongameli uCyril Ramaphosa uluchazwe nje ngentlekele yesizwe udushe olusekelezelwe kwisini, nokubulawa kwamanina kweli lizwe, igender-based violence and femicide ngolwasemzini. Oku kulandela isigqibo esithatyathwe liziko elijongene nolawulo lweentlekele kwisizwe, iNDMC ngamafuphi, emva kokuqwalaselwa ngokutsha kweengxelo nezindululo ebeziphuma kumabakala awuhlukileyo ombuso nakwimibutho yoluntu, nabaye bamemelela ukuba le ngxaki ibhengezwe nje ngentlekele yesizwe. UAyabonga Kekana ubambe udliwano ndlebe noyintloko yeziko elijongene nolawulo lweentlekele kwisizwe, uGqirha Elias Sithole..
30 MINUTES LIVE - G20 Meeting to kick start this weekend at Nasrec in Johannesburg
Iza kuqala ngokusesikweni ngomso intlanganiso yamazwe alishumi elinesithoba aphantsi kweqonga lokuqinisa urhwebo nobudlelane phakathi kwala mazwe. UMzantsi Afrika, noyinxalenye ye-G20, nguwo okwisikhundla sokongamela le ntlanganiso, nto leyo eyenza ukuba le ndibano ibanjelwe kweli. Nangona kunjalo, iMelika, nayo eyinxalenye ye-G20, ithi ayizokuyizimasa le ndibano, ntonje iza kuthumela umthunywa ozakwakha umkhano kokwenzekayo. Oku kubangelwa kukujongana ngezikhondo zamehlo okukhoyo phakathi kwala mazwe mabini. Ingaba kuza kuyichaphazela kusini na le ndibano oku? Singalindela ntoni kule ntlanganiso? Emnxebeni uAyabonga Kekaba ubambe ingcali nomhlalutyi wemiba yezopolitiko yamazwe ngamazwe, uGqirha Mkhuseli Vimba…
30 MINUTES LIVE - Almost 900 EC grade R teachers will soon be permanent
ISebe lemfundo esisiseko eMpuma Koloni linezicwangciso zokuqesha isigxina ootitshala baka Grade R. Bangaphezulu kwamakhulu asibhozo ephondweni ootitshala abaphantsi kwengqesho yethutyana (contract), kwaye iSebe lithi kulindeleke isigqibo sokuqeshwa kwabo sithathwe ingekapheli eyeNkanga (November). Sekulithuba aba titshala bekhala ngokungaqeshwa isigxina. Emnxebeni uAyabonga Kekana uhleli nothethela iSebe lemfundo ephondweni, uMalibongwe Mtima...
30 MINUTES LIVE - National shutdown hitting South Africa today
Ngamawaka amanina kwilizwe loMzantsi Afrika liphela ekulindeleke ukuba abe yinxalenye yephulo lokumisa ngxi yonke into, ngelibonisa ukuchasa impatho mbi esekelezelwe kwisini kweli, igender-based violence ngolwasemzini. Umbutho ongekho phantsi korhulumente obizwa iWomen for Change, ukhethe olu suku nanjengoko ihlabathi lizakube lijonge amehlo kuMzantsi Afrika, nosindleke ingqungquthela yeenkokheli zamazwe eG20, neqala ngomso de kube ngeCawa. Lo mbutho ufuna umba wokuxhatshazwa ngokwesini uchazwe nje ngentlekele yesizwe. Lemigushuzo ibanjwe kumaphondo onke eli. Ukujonga okwenzeka eGqeberha, emnxebeni uAyabonga Kekana ubambe intatheli yeli jelo elapho, uSisipho Ngcumbe...
30 MINUTES LIVE - • Eastern Cape NCOP delegation visits flood victims in Mthatha
Igqiza eliphuma kwibhunga lamaphondo kwisizwe, iNCOP ngamafuphi, kwiphondo iMpuma Koloni, namhlanje lityelele amaxhoba ezikhukhula ezehla ngeyeSilimela eMthatha. Oku zinzame zokuya kuzivela nokuzibonela iindawo ahlaliswa kuzo la maxhoba. Ngabantu abangaphaya kwekhulu, kuquka abantwana, abathi basweleka kwezi zikhukhula, nalapho ezinye iintsapho zingekade ziwafumane amalungu eentsapho zawo. Olu tyelelo luyinxalenye yeveki yeNCOP, nalapho eli bhunga lihlola imimandla eliqela yephondo, kuquka namaphulo angqamane nohanjiso lweenkonzo. Ukuva banzi ngalo mba, emnxebeni uAyabonga Kekana ubambe okhokele igqiza eliphuma kwiNCOP kwiphondo, uNkosi Mwelo Nonkonyana...
30 MINUTES LIVE - North West businessman, Brown Mogotsi continues to testify at the Madlanga Commission
Lusuku lwesithathu namhlanje usomashishini waseMntla Ntshona uBrown Mogotsi enika ubungqina kwikomishini yophando kaMadlanga, ePitoli. Uninzi lwamangqina lumtyholile uMokgotsi ngezenzo ezigwenxa eziquka ukuba nonxulumano nomphathiswa wenkonzo yesipolisa osekhefini uSenzo Mchunu, nokuba noqhogwano nendoda etyholwa kwizenzo zolwaphulo mthetho, uVusimuzi " Cat" Matlala. Masive esele kuvelile ekuxinweni kwakhe ngemibuzo ligqwetha elikhokela ubungqina kule komishoni. Emnxebeni uAyabonga Kekana ubambe intatheli yeli jelo uSibahle Motha…
30 MINUTES LIVE - Reports of non-payment of NSF interns by the EC Premiers office and the reaction from the OTP
Urhulumente wephondo iMpuma Koloni utyholwa ngokusilela ukuhlawula abo basaqeqeshelwa umsebenzi, nabangayaphaya kwamawaka amathathu. NgoMvulo, ababasebenzi bebebambe uqhankqalazo phambi kwe ofisi yenkulu-baphathiswa yephondo, uOscar Mabuyane, benyanzelisa ukuhlawulwa. Oku kuza emva kweeveki le ofisi ithathele ezandleni zayo inkqubo yokuqeqeshela izakhono kwinkampani iChippa Trading Academy. Le nkqubo, nexabisa amakhulu amane anamashumi amathandathu anesithandathu ezigidi zeerandi, R466m, ixhaswa ngemali yeNational Skills Funds, kusetyenziswa i-ofisi yenkulu-baphathiswa yephondo. Emnxebeni sinaye omnye wabasebenzi, uBuhle Bemvelo Ndyenga. Ukanti kamva, othethela i-ofisi yenkulu-baphathiswa yephondo, uKhusela Rantjie, uzakuthi aphendule kulo mba...
30 MINUTES LIVE - Transport costs for residents of low-income households in Johannesburg have reached a crisis point
Uphando olwenziwe yi Gauteng City-Region Observatory, lubonisa ukuba iindleko zezothutho kubahlali abomkela imivuzo ephantsi kwisixeko saseRhawutini, zifikelela kumaqondo axhomisa amehlo. Ngokoluphando, abantu abahlala kude kuneendawo abaphangela kuzo basebenzisa umyinge wamashumi amahlanu ekhulwini (50%) wemivuzo yabo kwezothutho, itransport ngolwasemzini. Ingaba kumaphondo abuninzi balo ziilali, afana neMpuma Koloni, imo injani, kwaye iyintoni enokwenziwa ukothula umthwalo kubahlali abathwaxwa ziindleko zokuphila ezixhomileyo? Ukuxoxa banzi ngalo mba, emnxebeni sinengcali kwimiba yezothutho, uLungile Mabece
30 MINUTES LIVE - Deputy Minister of COGTA, Dr Dickson Masemola, to introduce support staff and intervention to boost service delivery in NMB Metro
Ebutsheni balo nyaka, usekela-mphathiswa weSebe lolawulo ngentsebenziswano nemicimbi yemveli, uGqirha Dickson Masemola, waye wabamba utyelelo kwiphondo iMpuma Koloni, phantsi kwephulo likarhulumente elibizwa i-"Every municipality must work", mxholo lowo ojoliswe ekuphuculeni urhulumento koomasipala, uhanjiso lweenkonzo, intatho-nxaxheba, nasekuqinisekiseni ukuba oomasipala basebenza ngendlela, phakathi kwezinye izinto. Ngethuba sithetha neSebe, othethela ela Sebe kwiphondo, uPheelo Oliphant, watsho ukuba iSebe liza kuthumela amagosa koomasipala beli phondo, ngelokuqinisekisa ukuba oku kuyenzeka. Kuloko ke namhlanje usekela-mphathiswa ekumasipala ombhaxa iNelson Mandela Bay, ngelokwazisa la magosa, kuquka nongenelelo lwabo ekomelezeni uhanjiso lweenkonzo kulo masipala. Emnxebeni kungoku uAyabonga Kekana ubambe lokaOliphant...
30 MINUTES LIVE - Brown Mogotsi testifies at the Madlanga Commission of Inquiry
Usomashishini osematheni mvanje uBrown Mokgotsi, unika ubungqina kwikomishoni kaMadlanga ePitoli. Uninzi lwamangqina lumtyholile uMokgotsi ngezenzo ezigwenxa eziquka ukuba nonxulumano nomphathiswa wenkonzo yesipolisa uSenzo Mchunu, nokuba noqhogwano nendoda etyholwa kwizenzo zolwaphulo mthetho uVusimuzi " Cat" Matlala. Emnxebeni uAyabonga Kekana ubambe intatheli yeli jelo elandela le komishoni, uSibahle Motha...
30MinutesLive-What will it take for society to view disability as an opportunity, rather than a limitation?
Ukusuka kumhla wesithathu ku-November ukuya kumhla wesithathu ku-December, uMzantsi Afrika uphawula inyanga yokufundisa nokuxhobisa ngamalungelo abo baphila nokhubazeko, Disability Rights Awareness Month. Kule nyanga kunikwa ingqwalasela ekuphakanyisweni nasekukhuselweni kwamalungelo abo baphila nokhubazeko, nokuba kufunwe izisombululo kwimingeni abajongene nayo ekuhlaleni, emisebenzini, kwinkolo, kwinkqubo yovoto, nakwimfundo. Namhlanje umxholo wengxoxo yethu ugxile ekubeni: Iyakuthatha ntoni ukuba abo baphila nokhubazeko babonwe njengabantu abanako, hayi abantu abathintelekileyo? UAyabonga Kekana uncokole netsha-ntliziyo lamalungelo abo baphila nokhubazeko, uThembelihle Ngcai…
NEWS REVIEW - Disability inclusivity
NgeyoMnga kunyaka ka-2014, owayesakuba ngumphathiswa wezemfundo, uAngie Motshekga, wapasisa umgaqo-nkqubo ogxile ekuhloleni, ekuphawuleni, ekuvavanyeni nasekuxhaseni abafundi bonke beloMzantsi Afrika. Iinjongo zoku ikukuqinisekisa ukuba bonke abantwana abakwiminyaka yokuhamba isikolo, nabahlangabezana nemingeni ekubeni bakwazi ukufunda, kuquka abo baphila nokhubazeko, bakwazi ukufikelela kwimfundo ebandakanyayo, esemgangathweni, esimahla, nelinganayo kumabanga abasaqalayo ukuya kumabanga aphakamileyo. Lo mgaqo-nkqubo ukwajoliswe ekuqinisekiseni umakulinganwe kumanyathelo okuphawula, okuvavanya nawokunikezela ngeenkqubo kubo bonke abafundi abadinga inkxaso eyongezelelweyo, ngeenzame zokuphuhlisa intatho-nxaxheba yabo, kwa nokuqukwa kwabo esikolweni, nalapha ootitshala nabazali ingabo ekufanele bephale phambili kwezi nkqubo zokuxhaswa kwabafundi. Ayabonga Kekana uncokola noyi-Inclusive Education Deputy Chief Education Specialist kwiSebe lezemfundo kwiMpuma Koloni, uMafuza Mtshengu…
30 MINUTES LIVE - E-hailing services in Gqeberha have embarked on a shutdown in the Nelson Mandela Bay Metro
Abenkonzo yothutho i e-hailing eGqeberha bazibandakanye kwimigushuzo nebangele ukuba zingabikho iinkonzo abazinikezelayo namhlanje. Ezinye zezinto abazikhalazelayo, lukhuseleko, imivuzo engonelanga kwakunye neengxaki abajamelene nazo kwiinkampani abazisebenzelayo. Kwezi nyanga zigqithileyo iSebe lezothutho lifake kumqulu karhulumente umthetho-sihlomelo obizwa iNational Land Transport Amendment Act, nobhalisa ngokusesikweni iinkonzo ze e-hailing ezifana noBolt noUber, njengenxalenye yenkonzo yezothutho eMzantsi Afrika. Emnxebeni, uAmanda Xhala ubambe unobhala-jikelele we-Eastern Cape E-Hailing Association, uMfundiso Gama...
30 MINUTES LIVE - Senzo Meyiwa murder trial continues
Liyaqhuba ityala lokubulawa konozinti weqela lesizwe iBafana Bafana, uSenzo Meyiwa, kwinkundla ephakamileyo esePitoli. Ngaphambili, uJaji Ratha Mokgoatlheng uye wayalela ukuba umtyholwa wesihlanu kweli tyala, uFisokuhle Ntuli, athunyelwe kwiziko lezonyango, khon' ukuze afumane unyango, kulandela ukufika kwakhe emva kwexesha enkundleni kusasa izolo, enxibe iimpahla zamabanjwa, hayi ezakhe, etyhola ngelithi ubethwe ngamadindala kwiziko loluleko iKgosi Mapuru. Ukuva banzi ngalo mba, emnxebeni uAmanda Xhala ubambe intatheli yeli jelo elapho, uPearl Magubane...
30 MINUTES LIVE - HPWL organisation hosts a World Peace Summit in Nelson Mandela Bay
Umbutho iHeavenly Culture, World Peace, Restoration of Light, iHWPL ngamafutshane, kulindeleke ubambe ingqungquthela ngale mpelaveki, nenjongo yayo ikukubamba iingxoxo nabanye abathath'inxaxheba, malunga neendlela zokuqubisana nodushe olungqamene nokusetyenziswa kwemipu, impatho-mbi esekelezelwe kwisini kwakunye nokusetyenziswa ngokugqithisileyo kweziyobisi, logama bekwakhuthaza ubunye noxolo kumasipala ombaxa iNelson Mandela Bay. Le ngqungquthela ibanjwa phantsi komxholo othi "Renewing the Friendly City through Peace: Uniting together to End Gun Violence, GBV and Drug Abuse." Ukuba sive banzi ngale ngqungquthela, uAmanda Xhala apha estudio uhleli nomanejala weHWPL eMpuma Koloni, uSandise Magida...
Update on 153 Palestinians who travelled to South Africa as refugees
Amanda Xhala spoke with Gift of the Givers volunteer, Sarah Oosthuizen, on the 153 Palestinians who travelled to South Africa as refugees.
30MinutesLive-A two-day Inclusive Education Indaba in EC
ISebe lezemfundo kwiphondo iMpuma Koloni, belibambe indibano entsuku-mbini ebizwa i-Inclusive Education Indaba, kumasipala ombhaxa iBuffalo City. Le ndibano ibigxile kwiinguqu kwicandelo lezemfundo, ngelokuqinisekisa umakulinganwe, nokufikeleleka kwemfundo esemgangathweni kubo bonke abafundi, ingambi abo baneemfuno ezikhethekileyo zezemfundo. UAyabonga Kekana speaks with Head of Therapeutic Support Services at the Department, Mr Rodney Sekgobela...
Bus attack at eNgcobo Eastern Cape.
UMphathiswa wezothutho eMpuma Koloni uXolile Nqatha, ulukhalimele uhlaselo kwibhasi ehamba imigama emide, nolushiye kubhubhe umkhweli konzakala abanye ababini. Le bhasi yakwaMakalala Trans, ibisuka eMthatha isiya eKapa, ngethuba ihlaselwa kwindlela uR61 phakathi kweCofimvaba neNgcobo, emva kwemini izolo. Umqhubi wesibini uphakathi kwabonzakeleyo. Ukuva banzi ngesisehlo, emnxebeni sinaye othethela isebe lezothutho eMpuma Koloni, u-Unathi Binqose......
30 MINUTES LIVE - Allegations that learners are being held back deliberately at Soqhayisa SS School in Motherwell, Gqeberha
Abanye abazali babafundi besikolo samabanga aphakamileyo iSoqhayisa esiseMotherwell eGqeberha, batyhola esi sikolo ngokubambezela abantwana babo abathi abaqhubi kakuhle kuba kusithiwa bazakuchaphazela iqondo lempumelelo yesikolo. Esi sikolo saziwa ngokuqhuba kakuhle ingakumbi kwiziphumo zematriki. Emnxebeni uAyabonga Kekana ubambe intatheli elandela eli nqaku, uAnda Nqonji...
30 MINUTES LIVE - South Africa to manufacture its first vaccine from scratch in over 50 years
Kungekudala uMzantsi Afrika uzakuzivelisela isigonyo sechiza lokuthintela isifo sotyatyazo, iCholera. Oku kubhengezwe lisebe lezempilo kuzwelonke ngokusebenzisana nesebe lobunzulu-lwazi, ubuchwepheshe kunye nokuqulunqwa kwamavela-tanci. Nangona iCholera ingesosifo esigqugqisayo nje kweli, kodwa zibakho iziganeko eziye zothuse zokuqhambuka kwaso; maxa wambi sisube nemiphefumlo. Emnxebeni kungokunje uAyabonga Kekana is joined by the Spokesperson for the National Department of Health, Foster Mohale…
NEWSREVIEW INITIATE
Iziko lemfundo ephakamileyo i Walter Sisulu University nendlu yobukhosi iNyandeni Great Place, zisungule ngokubambisana iphulo elibizwa ,Sibuyisela Umdlanga Komkhulu ("Returning the Spear to the Great Place"). Eliphulo lijolise ekunciphiseni ukubhubha okungandingekiyo kubantwana abangamakhwenkwe ngexesha lolwaluko. Lamaziko anethemba lokufezekisa oku kunyaka u 2027. Injongo yalenkqubo kukubandakanya izifundo kumakhwenkwana aphakathi kweminyaka elishumi elinambini ukuya kwelishumi elinesibhozo ubudala, nezizakugxila kulwazi ngokusindisa ubomi kunye nezifundo zempilo kwisiko lolwaluko. Emnxebeni sithe masikrwece u Proffessor Mbuyiselo Douglas ophuma kweliziko mfundo ukuncokola banzi ngoku....
30 MINUTES LIVE - The Basic Education has launched the Funda Uphumelele National Survey (FUNS)
UMzantsi Afrika ujamelene nomngeni wabafundi bakwaGrade 4 abangakwazi ukufunda ngengqiqo, nabaqikelelwa ku-81 percent. Oku kwavela kuphando olwalukhutshwe ngonyaka ka2021. UMzantsi Afrika ukwindawo yamashumi amahlanu anesixhenxe kwihlabathi, xa kuthethwa ngalo mba. Namhlanje, iSebe lemfundo esi siseko lisungula uphando olwaziwa nge-Funda Uphumelele National Survey, nolucacisa ngokuphangaleleyo ngengxaki yokufunda, nokufunda ngokuqonda, phakathi kwabafundi bakwaGrade 1 noGrade 3. Emnxebeni uAyabonga Kekana ubambe ongumlawuli ojongene neenkqubo zokufunda kwiSebe, uGqirha Nompumelelo Nyathi Mahohlwane...
30 Minutes Live - The South African Human Rights Commission in the Eastern Cape subpoenas National Treasury and Eastern Cape to the National Director-General of the Eastern Cape Rural Development and Agrarian Reform.
Ikomishoni yamalungelo oluntu eMpuma Koloni izolo ibikhwebe isebe lophuhliso lwasemaphandleni kunye ne-ofisi kaNondyebo, ukuba bavele phambi kwabo ngelokumamela inkqubela yezicwangciso zabo bengurhulumente, ukuba baqubisane nomngeni wokungondleki kwabantwana ephondweni. Ikomishoni inenkolelo yokuba nangona nje yayikhuphe ingxelo ebonisa ubuzaza balo mngeni ngo-2023, neyayineziphakamiso okanye izindululo ezinokumiliselwa ngurhulumente, kusekho ukurhuqwa kweenyawo okubonakalayo ukuba kuqutyiswane noku. Iingxelo zibonisa ukuba bangapha kwamashumi amathandathu abantwana abaye basweleka ephondweni kwiinyanga ezintandathu zokuqala zalo nyaka, ngenxa yezifo ezayanyaniswa nokungondleki. Ayabonga Kekana uncokola nophuma kwikomishoni eMpuma Koloni, uZukiswa Mqakanya…
MKP Deputy President has been suspended and ordered to cease all activities relating to the party.
Unqunyanyisiwe njengosekela-mongameli nenkokheli ye MK Party epalamente, uGqirha John Hlophe. Oku kulandela isigqibo sakhe sokufaka uDes Van Rooyen kwisikhundla sikaCollen Makhubele sokuba ngumbhexeshi wala mbutho, epalamente ngempelaveki. Kwingxelo ekhutshwe ngulo mbutho, uHlophe usithathe esi sigqibo engafakananga milomo neenkokeli zalo mbutho. Ayabonga Kekana umbambe udliwanondlebe nomhlalutyi wezopolitiko, uSandile Swana...
30 MINUTES LIVE - Commission for Gender Equality cites poor oversight, lack of accountability and inadequate resources in Eastern Cape units
Ngokwengxelo yekomishoni kamakulinganwe ngokwesini ( CGE), kuvele ukusilela kwizinto eziliqela kumaziko eThuthuzela eMpuma Koloni, kuquka ulawulo olugwenxa nokungabikho kwezixhobo zokusebenza. Amaziko eThuthuzela asekwe ukunceda nokuxhasa amaxhoba ajongene nempatho mbi esekelezelwe kwisini kunye nokuxhatshazwa ngokwesondo. Ukuva banzi ngale ngxelo, emnxebeni uAyabonga Kekana ubambe othethela le komishoni, uTsietsi Shuping...
30 MINUTES LIVE - Is it a sign of a healthy democracy to have over 500 political parties or is it democracy overdose?
Ingaphezulu kwamakhulu amahlanu imibutho yezopolitiko ebhaliswe kwikomishoni ezimeleyo yonyulo, ngaphambi konyulo oluzakubanjwa phakathi kwenyanga yeNkanga ( November) 2026, neyoMqungu ( January) 2027. Oku kuvakaliswe yiIEC ngethuba ibinikezela ingxelo ngomgama abasele bewuhambile ukulungiselela unyulo. Ingaba iyadingeka imibutho emininzi? Emnxebeni uAyabonga Kekana ubambe ingcali kwimiba yonyulo, uGqirha Nkosikhulule Nyembezi...
Data from the Reuters Institute Report indicate that more people rely on Facebook for news content, compared to any other social media platforms
Ingxelo ekhutshwe yi-Reuters Institute, ibonisa ukuba abantu basebenzisa kwaye bathemba iqonga lonxibelelwano u-Facebook ukufumana iingxelo zeendaba kunye nolwazi abaludingayo. Ngumyinge ka-50 percent wabantu abathi bathemba u-Facebook, ngethuba umyinge ka-16 percent wona usithi uthemba iqonga elibizwa ngo-X nowayengu-Twitter. Enye into le ngxelo eyivezileyo kukuba abantu bathemba kakhulu iziqu ezinefuthe kula maqonga nezibizwa ukuba zi-Influencers okanye Content Creators, ngaphezulu kwamaziko avelisa iindaba akulamaqonga onxibelelwano. Ingaba oku kwenziwa yintoni kwaye kunefuthe elinjani kulwazi umntu alufumanayo kula maqonga? UAyabonga Kekana uncokole nengcali kwimiba yezobuchwepheshe, kuquka namaqonga onxibelelwano uSiphumelele Zondi…
NEWS REVIEW - We discuss the proposed Maternal Support Grant meant to help pregnant women meet basic needs.
Ukuxhaswa koomama ngemali ngexesha besakhulelwe kungaphucula impilo nokondleka kukamama nosana olungekazalwa, kwehlise uxinizelelo abanalo umama ozithweleyo, kwehlise iimpawu zokudandatheka ngokwasengqondweni, ixhala nokuzalwa kwabantwana abangondlekanga. Olu luluvo lwemibutho engekho phantsi kukarhulumente, nememelela ukuxhaswa ngemali koomama abazithweleyo, iMaternal Support Grant okanye iMSG ngamafuphi. Le yimali umama okhulelweyo ayakuthi ayifumane kwezi nyanga zilithoba esakhulelwe, ukumnceda akhawulelane nezidingo ezingundoqo ngeli xesha esakhulelwe. Ukuxoxa banzi ngalo mba, emnxebeni uAyabonga Kekana ubambe itshantliziyo, umseki wombutho ongekho phantsi korhulumente obizwa Oomama Bemvelo nokwayi Embrace Mamandla Fellow, uNomfundo Mkhaba...
INTERCHANGE - The Eastern Cape provincial legislature held a public engagement to address challenges in public health facilities in the Nelson Mandela Bay Metro
ISebe lezempilo kwiphondo iMpuma Koloni, linesicwangciso sokuguqula isibhedlele esijongene nesifo sephepha, iEmpilweni eGqeberha, ibe sisibhedlele sesithili. Oku kukukhawulelana nenkxalabo esele inethuba ivakaliswa luluntu yokuphuphuma ngokugqithisileyo kweekliniki nezibhedlele. Indlu yowiso-mthetho yephondo, ithethane noluntu ukuqubisana nemingeni yokungafikeleli kunyango olusemgangathweni kumaziko empilo karhulumente kwingingqi iNelson Mandela Bay. Intatheli yeli jelo, uSisipho Ngcumbe, isenzele le ngxelo...
INITIATION TRAINING
Urhulumente wephondo i Mpuma Koloni kunye neenkokheli zemveli, usungule iphulo elizakuqeqesha iingcibi namakhankatha abantwana abasesuthwini. Isebe lentsebenziswano kulawulo lukarhulumente lithi oluqeqesho luzakuquka nongenelelo lwezempilo kwelisiko lolwaluko. Oku kwenziwa nangoko elisiko lijamelene nemingeni efana nokungakhathalelwa kwabantwana, impatho mbi, ukunxanwa nokubethwa kwabantwana phakathi kweminye, neye maxa wambi ikhokelele ekubhubheni kwabakhwetha. Oluqeqesho luzakugxila kwiindlela zokugcina abantwana besempilweni ngalo lonke ixesha besehlathini. Ukuncokola banzi ngoku, emnxebeni sinaye othethela isebe u Phello Olifant
Pressure is mounting to do away with deputy ministers
Ziyakhula izimemelelo zokuba zipheliswe izikhundla zoosekela baphathiswa emva kokuvela ukuba kuphele unyaka oosekela baphathiswa bamapolisa ababini bengakhange banikwe msebenzi, uzakuba luxanduva lwabo. Ebutsheni baleveki usekela mphathiswa wamapolisa, uCassel Mathale, uxelele ikomiti yethutyana yasepalamente ukuba umphathiswa wamapolisa okwikhefu elikhethekileyo, uSenzo Mchunu, akakhange abanike msebenzi inguye nogxa wakhe uPolly Boshielo. Amanye amaqela ezopolitiki, amatshantliziyo nabahlalutyi, bathi izikhundla zoosekela baphathiswa kukudala nje imisebenzi ukulungiselela amaqabane nento eyinkcitho yemali yabarhafi. Bamemelela ukuba kuqeshwe abaphathiswa namagosa awenza umsebenzi. Masive kwingxelo esikulungiselele yona ka Ntebo Mokobo...
NEWSREVIEW-Political Wrap
Zibeliqela iindaba ezibengundaba-mlonyeni kwezopolitiko kule veki siyiqukumbelayo, nesingakhange sikwazi ukuba sijonge kuzo. Owayesakubangumongameli weli uJacob Zuma uyalelwe yinkundla ukuba ahlawule imali engapha kwe-28 million rands yeendleko zomthetho nawazihlawulelwa ngumbuso kwityala ajamelene nalo elibandakanya intengo yezixhobo. Umbutho i-Afrika Mayibuye wona ugxothe usekela mongameli wawo uNolubabalo Mcinga. Umbutho i-Umkhonto weSizwe wona wazise uTony Yengeni njengomongameli wawo wesibini omtsha. UAyabonga Kekana ubenodliwano ndlebe nomhlalutyi wezopolitiko uNjingalwazi Ntsikelelo Breakfast
SAHPRA officially registered Lenacapavir, a long-acting injectable medicine for HIV
UMzantsi Afrika kungekudala uzakubanechiza elisisitofu sokuthintela ulosuleleko lwentsholongwane i-HIV. Oku kulandela ukubhaliswa nokupasiswa kwesi sitofu iLenacapavir ngokusesikweni, ngukhala olawula usetyenziso lwamachiza kweli, iSouth African Health Products Regulatory Authority. Esi sitofu ixesha elide besisetyenziswa eMelika kuphela, kwaye sixabisa imali eninzi kakhulu ukuba ilizwe lingasithenga. Eli linge libonwa njengelibaluleke kakhulu ukulwa ulosuleleko lwentsholongwane i-HIV. u Ayabonga Kekana wenze udliwano ndlebe no Foster Mohale wesebe lezempilo ngoku...
Human trafficking accused denied bail
INTRO: Inkundla kaMantyi eMonti eMpuma Koloni, imalele ibail usekela-nqununu, uVuyokazi Gana, otyholwa ngokurhwebesha amantombazana aselula ewathembisa ngamathuba emisebenzi, kanti uzakuwafaka kushishino lokuthengisa ngomzimba. UGana kutyholwa ngokuba konke oku ebekwenza kumzi wakhe eQuigney, eMonti. Inkundla igwebe ngelithi ukuba anganikwa ibheyile lonto ingabeka emngciphekweni ubomi babantu abanokuba ngamangqina, njengoko ewazi. Masive kwingxelo ka Sidima Mfeku...
Former Police Minister, Bheki Cele, says he is of the opinion that the appointment of Riah Phiyega as Police Commissioner in 2012 was a deliberate attempt to weaken SAPS
Owayesakuba ngumphathiswa wamapolisa uBheki Cele uthi unembono ethi ukuqeshwa kuka Riah Phiyega njengomkomishinala wamapolisa ngo2012 yayililinge langabom lokuthibaza inkonzo yesipolisa. UCele unika ubungqina kwikomiti yethutyana yepalamente, esekelwe ukuqwalasela izityholo zongenenelelo loonqevu, urhwaphilizo, nopolitiko kwinkqubo yezobulungisa. Ezizityholo zenziwe ngumkomishinala wamapolisa eKZN, uLt General Nhlanhla Mkhwanazi kweyeKhala kulonyaka. UCele wayengumphathiswa wamapolisa phakathi konyaka u2018 no2024. Ibilisuku lakhe lesibini izolo evele phambi kwekomiti yethutyana. Masive kwingxelo ka Zalene Merrington esiyenzelwe nguAmanda Xhala
30 MINUTES LIVE - Optism as SA awaits its FATF grey list verdict
Ilizwe loMzantsi Afrika lilinde ngabomvu isigqibo se Financial Action Task Force, iFATF ngamafuphi, ngokubhekiselele ekukhutshweni kweli lizwe kuluhlu lwamazwe ekusemngciphekweni ukwenza nawo ushishino. Olu luluhlu lwamazwe angenankqubo zomeleleyo zokuthintela ukugudiswa kwemali eze ngondlela-mnyama, kuquka nokuxhaswa kwezenzo zobunqolobi. UMzantsi Afrika wafakwa kolu luhlu ngeyoMdumba ngonyaka ka-2023. Ingaba singalindela iziphumo ezinjani kwi-FATF ngokubhekiselele kule nyewe? Ukuxoxa banzi ngalo mba, emnxebeni uAyabonga Kekana ubambe ingcali kwimiba yezoqoqosho, uNjingalwazi Bonke Dumisa...
30 MINUTES LIVE - Mchunu's day 4 giving testimony infront of the Ad hoc committee
Namhlanje lusuku lwesine enikezela ubugqina phambi kwekomiti yethutyana yasepalamente, umphathiswa wamapolisa obekwe kwikhefu elikhethekileyo, u Senzo Mchunu. Le komiti iphanda izityholo zongenelelo lwezopolitiko, urhwaphilizo, nolwaphulomthetho kwinkqubo yobulungisa yeli. Izolo u Mchunu uphendule umbuzo welungu lepalamente le DA, u Glynnis Breytenbach, wokuba buza kutshintshwa njani ubuqhophlolo nolawulo olugwenxa kwinkonzo yesipolisa, ingakumbi kwicandelo le Crime Intelligence. Le komiti ikwabukhabile ubungqina besandi soshicelelo lwe cellphone obuze ngenjongo yokuvakalisa izigrogriso ezenziwe nguMkhwanazi ngaku Mchunu. Ukuncokola banzi ngoku, on the line we are joined by our reporter, Zalene Merrington...
Land claims commissioner in the EC roll out a public awareness drive
Ikomishoni ejongene namabango omhlaba eMpuma Koloni, izakubamba amaphulo okuqinisa ubudlelane noluntu. Oku kuza emva kwenkxalabo ephakanyiswe luluntu ngokucotha kwenkqubo yokuhlawulwa koluntu olufake amabango omhlaba. Kunyaka mali ka 2024/2025, iphondo leMpuma Koloni belizibekele ukuhlawula amabango angaphezulu kwamakhulu amathathu. UAmanda Xhala uncokole nomkomishinala ojongene namabango omhlaba eMpuma Koloni, uNomfundo Ntloko
Witness A continues with his testimony on the Madlanga Commission.)
Ingqina elichazwa ngo "Witness A" liyakuqhuba nokunika ubungqina kwikomishini yophando kaMadlanga ePitoli. Lo mcuphi onikwe uxanduva lokuphanda imikhambathi yolwaphulo-mthetho ungenise ingxelo eyothusayo izolo, neziquka unxulumano phakathi kwamagosa aphezulu kwinkonzo yesipolisa, nabantu abathile abatyholwa ngokuba ngongqondo-ngqondo kwizenzo zolwaphulo-mthetho. Kubungqina bakhe, uWitness A uveze ukuba umpu owasetyenziswa ukubulawa kweNjineli yase-Vereeniging u-Armand Swart ngo-April ka 2024, unxulunyaniswa nothotho lwezinye iziganeko zolwaphulo mthetho eziquka ukubulawa kukaOupa Sefoka owayesaziwa ngoDJ Sumbody kunye noDJ Vintos. Ayabonga Kekana uncokola noSibahle Motha…
DA announces plans to challenge bee policy
INTRO: I-DA imemelele ekubeni kupheliswe umgaqo-nkqubo weBlack Economic Empowerment, iBEE ngamafuphi, isithi iyibulele imisebenzi, wakhuthaza urhwaphilizo kwaye wakwaxhamlisa nabantu abanonxulumano nabezopolitiko. Ngethuba lendibano noonondaba kundlunkulu wawo eBruma, kwimpuma yeRhawuti, lo mbutho uchaze iinkcukacha ngomthetho wawo oyilwayo nothi uquka wonke ubani, iEconomic Inclusion for All Bill. Uphakamisa ukuba kubekho imigqaliselo ebekwayo ukuphelisa ngezigaba ikomishoni yeBEE kwisithuba seenyanga ezilishumi elinesibini, kwaye umemelela ekubeni kususwe zonke izinto ezibandakanya iBEE, kuyo yonke imithetho yelilizwe jikelele. Ingxelo ka Busi Bopela siyenzelwa nguAmanda Xhala
30 MINUTES LIVE - COGTA Minister Velenkosini Hlabisa is expected to visit His Majesty King Zwelozuko Matiwane of the AmaMpondomise Kingship in Qumbu
Umphathiswa wolawulo ngentsebenziswano nemicimbi yemveli uVelenkosini Hlabisa, ephelekwe ngusekela wakhe uPrince Zolile Burns-Ncamashe, batyelele ikomkhulu lamaMpondomise kuQumbu namhlanje. Olu tyelelo lulandela isicelo esenziwa nguKumkani uZwelozuko Matiwane wamaMpondomise, nalapho wacela kwiSebe ukuba makhe kubanjwe iingxoxo ngokuvuselelwa ngokutsha kwamabhunga emveli, kuquka neminye imiba yorhulumento. Ukuva banzi ngalo mba, emnxebeni uAyabonga Kekana ubambe intatheli yeli jelo elapho, uNomzwanele Mngoma...
NEWS REVIEW - Raising an important awareness on the broad definition of "consent" and what would constitute rape if consent is not granted.
Kuye kubekho ukubhideka phakathi kokuvumelana ukwabelana ngesondo kwisibini esithandanayo, nokudlwengula ngokwasemthethweni. Ukuvumelana phakathi kwabo babelana ngesondo yeyona nto ibonwa njengengundoqo. Iminyaka yabo babelana ngesondo nayo yinto ebaluleke kakhulu, nanjengoko umgaqo-siseko weli uchaza. Iminyaka elishumi elinesithandathu ubudala ngokomthetho, ichazwa njengeminyaka eselungelweni ukuba ubani angakwazi ukunika imvume ekwabelaneni ngesondo. Nangona kunjalo, oku akuthi ubani akanakubanjelwa ukudlwengula xa athe walala nomntwana okuloo minyaka, nokuba kungabekanti yena uvumile. Xa ingabantwana abangaphantsi kwale minyaka iselungelweni, kuye kwenzeke ntoni? Ingaba umntu uyakwazi ukudlwengula iqabane lakhe aqhele ukwabelana nalo ngesondo? Ingaba ukuvumelana okanye ukwala isondo kufuneka kubengamazwi okanye ingaziintshukumo zalowo ungenamdla ngelo xesha? Ukuphendula le mibuzo neminye, uAyabonga Kekana uncokola nengcali yezomthetho, uAdvocate Dumisani Apollos...
30 MINUTES LIVE - We look at the state of readiness for the province and its target for the results
Umphathiswa wezemfundo kwiMpuma Koloni, uFundile Gade, ukwisikolo samabanga aphakamileyo iHumansdorp, nalapho azakuthi adandalazise ukulungela kweli phondo ukubamba iimviwo zokuphela konyaka eziqalisa ukubhalwa kwiveki ezayo. Ebutsheni bale veki, ibhunga eliqwalasela umgangatho weemviwo neziphumo zebanga leMatriki, elibizwa Umalusi, likunqwalele ukuchotshelwa kweemviwo. Ingaba iphondo leMpuma Koloni likulungele kangakanani ukuchotshelwa kweemviwo zokuphela konyaka? Ukusabele banzi ngoku, emnxebeni kungokunje sinaye umlawuli oyintloko ojongene neemviwo kwiSebe lezemfundo kwiphondo, Mzimhle Mabona...
30 MINUTES LIVE - The Hawks East London arrest a teacher in relation to allegations of human trafficking and prostitution involving young women
Uvela enkundleni namhlanje utitshala ominyaka ingamashumi amahlanu anesibini ubudala, notyholwa ngokushishina ngamanina aselula eMonti eMpuma Koloni. Ngokwengxelo ye-Hawks ephondweni eli nina libanjwe izolo emva kophando lwabo bebeluqhuba, nalapho kutyholwa ukuba umrhanelwa lo ebeqokelela amantombazanana kwimimandla efana nakuQumbu, eMthatha naseNgqeleni ze zisiwe eMonti nalapho bezinyanzeliswa ukuba babelane ngesondo nabantu abohlukileyo ze bahlawulwe. Emnxebeni uAyabonga Kekana ubambe othethela iiHawks, uNdiphiwe Mhlakuvana....
30 MINUTES LIVE - Madlanga Commission of Inquiry continues in-camera
Usihlalo wekomishoni kaMadlanga, uJaji Mbuyiselo Madlanga, ugwebe ngelithi amajelo eendaba noluntu abazokuvumeleka kwiintshukumo zanamhlanje zale komishoni. Uthi izizathu zoku kukuba umba ekuza kuthethwa ngawo namhlanje usekelezelwe kuphando oluqhubayo. Le komishoni iphanda ngezityholo zolwaphulomthetho, urhwaphilizo nongenelelo lwezopolitiko nolwaphulomthetho kwinkqubo yezobulungisa yeli lizwe. Ukuva banzi ngalo mba, uAyabonga Kekana emnxebeni unentatheli yeli jelo elapho, uSibahle Motha...
30 MINS LIVE - Senzo Mchunu expected to appear before the committee investigating allegations of criminal infiltration, corruption and interference in the justice system
Uvele phambi kwekomiti yethutyana yepalamente ephanda izityholo zomngcipheko wokhuseleko lwesizwe,obekwe kwikhefu lethutyana ongumphathiswa wamapolisa kuzwelonke, u Senzo Mchunu. Oku kulandela izityholo zomkomishinala wamapolisa e KZN u Nhlanhla Mkhwanazi zokuba amagosa aphezulu esipoliseni kuquka uMchunu, abandakanyeka kwizenzo zobuqhophololo nongenelelo lopolitiko kwinkqubo yobulungisa. U Mchunu ulindeleke ukuba avele iintsuku ezintathu phambi kwalekomiti. Ukuncokola banzi ngoku, emnxebeni uAyabonga Kekana ubambe intatheli elandela eli nqaku u Abongwe Kobokana.....
Umalusi, says security measures have been tightened ahead of the 2025 matric exams
Ibhodi eqinisekisa ukuba semgangathweni kweemviwo neziphumo zebanga leMatriki, Umalusi, ithi baqinise amanyathelo okhuseleko kulungiselelwa iimviwo zaMatriki eziqalayo ngoLwesibini weveki ezayo. Umalusi uthi sele kuqalile ukushicelelwa nokugcinwa ngendlela ekhuselekileyo kwamaphepha eemviwo, kwaye balandela iinkqubo ezizizo zokuqinisekisa ukunyaniseka nomngangatho onguwo weemviwo. Bangaphaya kwesigidi abafundi ababhalisele ukuchophela iimviwo zabo zeNational Senior Certificate, kuquka nezinye iintlobo zeemviwo zokuphela konyaka. U-Phanuel Shuma uza nengxelo.
30 MINUTES LIVE - Eastern Cape Premier expected to meet with scholar transport operators amid public protest
Inkulubaphathiswa yephondo iMpuma Koloni u Oscar Mabuyane, kulindeleke ukuba ibambe intlanganiso nabaqhubi bezithuthi ezithutha abantwana ezikolweni zeliphondo. NgoMvulo waleveki baliqela abafundi abasebenzisa ezizithuthi abazibone bengayanga ezikolweni ngenxa yokunqunyanyiswa kwalenkqubo. Ezinye zezizathu zokunqunyanyiswa kwalenkqubo kukungahlawulwa kwabanye abaqhubi. Ababaqhubi batyhola ngokuba okukungahlawulwa kususela kunyaka u 2023 no 2024. Ukusabela ngalendibano, emnxebeni sinaye othethela urhulumente wephondo u Khuselwa Rantjie.....
30 MINUTES LIVE - A Nelson Mandela University student was attacked and killed during a break-in at an off-campus student accommodation in Summerstrand on last night
Kusweleke umfundi ze konzakala omnye, ngexa kuqhekezwa kwindawo ehlala abafundi beYunivesiti iNelson Mandela eGqeberha, nengaphandle kweli ziko-mfundo. Ngokokutsho kwale Yunivesiti, lo mfundi wonzakeleyo kungokunje ufumana unyango. Ukuva banzi ngalo mba, emnxebeni sinesithethi sale Yunivesiti, uZandile Ngwendu...
30 MINUTES LIVE - Cradock Four inquest continues at the Gqeberha High Court
Lusuku lwesibini iqhuba inkqubo ekhangela unobangela wokusweleka kwesine esaziwa njengeCradock Four, kwinkundla ephakamileyo yaseGqeberha, eMpuma Koloni. Le nkqubo ikhangela ukuba ukhona na ubani omakathwaliswe uxanduva ngokusweleka kwamatshantliziyo ayechasene nenkqubo yengcinezelo, uFort Calata, uMatthew Goniwe, uSicelo Mhlauli kunye noSparrow Mkhonto, aziwa njengeCradock Four. Esi sine saxhwilwa ze sabulawa ngamapolisa orhulumente wexesha lengcinezelo, kude kufuphi naseGqeberha ngonyaka ka-1985. Emnxebeni sinayo intatheli yeli jelo elandela eli nqaku, uNtombozuko Balintulo…
30 MINUTES LIVE - The Madlanga Commission has resumed with a new witness known as Mr X taking the stand
Kufikelelwe kwisigqibo phakathi kwabo bakhokele ubungqina kwikomishoni kaMadlanga namaziko ezosasazo i Daily Maverick no News 24, ngesicelo sokuba ingqina linikeze ubungqina ekhusini. Oku kuza emva kokuba lamaziko osasazo ephikise isicelo sabo bakhokele ubungqina sokuba ingqina linikeze ubungqina ekhusini. Lekomishoni ibikhe yathatha ikhefu isithuba seeveki ezimbini emva kokuba oyintloko yezobuntlola u Dumisani Khumalo, eye wagula. Usihlalo walekomishoni osele esidla umhlala phantsi u jaji Mbuyiseli Madlanga uwise isigwebo koku, kwaye intatheli yethu u Sibahle Motha ikhona emnxebeni ukusinika ingxelo ethe vetshe.....
30 MINUTES LIVE - Day 2 of suspended National Deputy Police Commissioner for Crime Detection Lt General Shadrack Sibiya's testimony before the Ad Hoc Committee
Lusuku lwesibini enikeza ngobungqina phambi kwekomiti yethutyana yepalamente ephanda izityholo zomngcipheko wokhuseleko lwesizwe, usekela mkomishinala wamapolisa onqunyanyisiweyo u Lt Gen Shadrack Sibiya. Izolo sive esithi wayetsalelwa umnxeba ngusomashishini osematheni u Brown Mogotsi wade wahlangana naye ukonwabela isidlo sakusasa. u Sibiya lingqina lesithathu phambi kwalekomishoni emiselwe ukuphanda izityholo zongenelelo loonqevu, nobuqhophololo kwinkonzo yezobulungisa yeli, ezenziwe ngumkomishinala wamapolisa e KZN u Lt Gen Nhlanhla Mkhwanazi. u Sibiya utyholwa ngokubandakanyeka kwimbalelwano eyayiphuma kulowo ungumphathiswa wenkonzo yesipolisa obekwe kwikhefu elikhethekileyo u Senzo Mchunu, eyalela ukuchithwa kweqela elaliphanda ukubulawa koosopolitiki. Ukuva inkqubo yanamhlanje, on the line we are joined by our reporter, Zalene Merrington, who is following these proceedings...
The suspended Deputy National Commissioner, Lt-General Shadrack Sibiya, responsible for Crime Detection, says he has had phone calls from controversial businessman, Brown Mogotsi
INTRO: Usekela mkomishinala onqunyanyisiweyo wamapolisa kuzwelonke, uLt General Shadrack Sibiya, uthi wafumana iminxeba esuka kusomashishini osematheni, uBrown Mogotsi, ze badibana kwintlanganiso yesidlo sakusasa. Ulingqina lesithathu ukuvela phambi kwekomiti yethutyana epalamente, nesekelwe ukuphanda izityholo zongenelelo lolwaphulo mthetho, urhwaphilizo nopolitiko kwinkqubo yezobulungisa, nezenziwa ngumkomishinala wamapolisa KwaZulu Natal, uNhlanhla Mkhwanazi. Masive kwingxelo ka Zalene Merrington...
NEWSREVIEW-Faith and Freedom: Should the State Regulate Religion?
Ngonyaka ka 2015/2016, ikomishoni ejongene neenkolo neelwimi i Cultural, Religious, and Linguistic Rights Commission, yenza uphando ngokwenza inzuzo okanye ushishino ngenkolo kwakunye nokuxhatshazwa kwenkolo abantu abakholelwa kuyo. Oluphando lwaveza izehlo ezahlukileyo eziquka ezo zokusetyenziswa kwezibulali zinambuzane ebantwini kusithiwa bayancedwa. Kwaye kwavela nezityholo zokuxhatshazwa ngokwesondo kwamantombazanana amancinci zinkokeli zakwalizwi. Okwafunyaniswa koluphando kwathiwa thaca phambi kwekomiti yasePalamente ejongene nolawulo ngentsebenziswano kwakunye nemicimbi yezemveli. Kwaye kwamiselwa ikomiti kaSection 22, nezakujonga indlela iinkonzo ezizakusebenza ngayo phakathi kwezinye izinto. Ezinye iinkonzo azihambisani noko kuzakwenziwa yilekomiti imiselweyo kaSection 22. UAyabonga Kekana ubambe udliwano ndlebe nophuma kwi-South African Church Defenders njengomququzeleli eNtshona Koloni, uApostle Siniko Nxesi. Sizakuba naye nosekela sihlalo wale komiti yeCRL uPrince George Mahlangu.
30 MINUTES LIVE - EC COGTA MEC, Zolile Williams, is expected to deploy 11 government officials to help deal with the Nelson Mandela Bay Metro's ballooning irregular expenditure
Kulindeleke ukuba umphathiswa wolawulo ngentsebenziswano nemicimbi yemveli kwiphondo iMpuma Koloni, iCOGTA ngamafuphi, uZolile Williams, athumele amagosa karhulumente ukuya kunceda umasipala ombhaxa iNelson Mandela Bay kwinkcitho engafanelekanga yalo masipala exhomileyo, nebalelwa kumashumi amabini anesibini ee-billion zeerandi (R22-billion). UWilliam's uthi inkcitho engafanelekanga yeli phondo, nebalelwa kumashumi amathathu ee-billion zeerandi, iphuma kulo masipala umbhaxa kwakunye nowe Buffalo City. Ukuxoxa banzi ngalo mba, emnxebeni uAyabonga Kekana ubambe othethela iSebe, uPheello Oliphant...
30 MINUTES LIVE - National Police Commissioner General Fannie Masemola will appear before the Ad Hoc Committee
Ulindeleke ukuba avele phambi kwekomiti yethutyana yepalamente ephanda izityholo zomngcipheko wokhuseleko lwesizwe, umkomishinala wamapolisa kuzwelonke, uGeneral Fannie Masemola. Ngethuba evele phambi kwalekomiti, uLt General Nhlanhla Mkhwanazi, kwezintsuku zidlulileyo, uvakalise ukuba ipalamente kufuneka yenze uphando ngomphandinzulu u Paul O'Sullivan. Kuninzi nokunye okusele kuvelile kulekomiti. Ukuva banzi ngenkqubo yanamhlanje, emnxebeni uAyabonga Kekana ubambe intatheli yeli jelo elapho, uAbongwe Kobokana...
30 MINUTES LIVE - University of Fort Hare's students ordered to vacate its EL and Alice campuses by 17h00 today.
Uqhankqalazo lwabafundi beziko lemfundo ephakamileyo i-Fort Hare eDikeni , eMpuma Koloni, lukhokelele ekuvalweni kwekhampasi nasekugxothweni kwabafundi. Abafundi bayalelwe ukuba baphume kumasongo eli ziko namhlanje, esisigqibo siza emva kokutshishwa kwezakhiwo ezibalulekileyo zale khampasi. Ukuva banzi ngalo mba, uAyabonga Kekana emnxebeni ubambe intatheli yeli jelo, uLubabalo Dada...
30 MINUTES LIVE - Portfolio Committee on Correctional Services' oversight visit at EC Correctional facilities
Ikomiti ejongene neenkonzo zoluleko epalamente ibambe utyelelo kwiphondo iMpuma Koloni, ngelokuhlola imo kumaziko oluleko eli phondo, kuquka nokulandelela imiba eyathi yaphakanyiswa kutyelelo lwangaphambili, phakathi kwezinye izinto. Ukuva banzi ngalo mba, emnxebeni uAyabonga Kekana ubambe usihlalo wekomiti yeenkonzo zoluleko epalamente, uMs Kgomotso Ramolobeng....
30 MINUTES LIVE - International Day for Decent Work
Umfelandawonye wemibutho yabasebenzi, iCOSATU, namhlanje ukhokhele imingcelele kumaphondo awohlukileyo ukubhiyozela usuku lwamazwe ngamazwe olugxile kwimisebenzi engcono, i-International Decent work day ngolwasemzini. EMpuma Koloni, lo mbutho ubambe umngcelele eBhisho. Ukanti eGauteng, iCOSATU ibambe umngcelele ngaphandle kwesibhedlele iTembisa. Le migushuzo yanamhlanje ibaluleke kakhulu kulo nyaka, nanjengoko lo mbutho uzakube ubhiyozela iminyaka engamashumi amane wasekwayo. Ukuva banzi ngalo mba, emnxebeni uAyabonga Kekana uhleli nothethela lo mbutho kuzwelonke, uZanele Sabela
30 MINUTES LIVE - KZN Police Commissioner Lt General Nhlanhla Mkhwanazi appears before the ad hoc committee
Ikomiti yethutyana yepalamente ephanda umngcipheko wokhuseleko lwesizwe sele iqalilie ukuphanda izityholo ezeenziwa ngumkomishinala wamapolisa wephondo iKwaZulu-Natal, u Lieutenant General Nhlanhla Mkhwanazi. UMkhwanazi wavakalisa izityholo zobungozi kukhuseleko belizwe, ekuquka kuzo ubuqhopholololo, ungenelelo kwimiba yopolitiko, kunye nongenelelo loonqevu kwinkqubo yobulungisa yeli, ngethuba ebambe inkomfa yamajelo eendaba ngomhla wokuqala kwinyanga yeKhala. Ukuba sive banzi ngokwenzeka kule komishoni namhlanje, on the line Ayabonga Kekana is joined by our reporter, Zalene Merrington.....
30 MINUTES LIVE - South Africa will have a new political party, Unite for Change
Imibutho iBuild One South Africa, iGood Party kunye neRise Mzansi, zithathe isigqibo sokudibana baseke umbutho omtsha wezopolitiko obizwa i-Unite for Change. Lo mbutho uzakungenela unyulo loomasipala kunyaka ozayo. Iinkokheli zale mibutho uGqirha Mmusi Maimane, uPatricia De Lille kunye noSongezo Zibi, ziye zenza esi sibengezo izolo eRhawutini. U-Ayabonga Kekana ubambe emnxebeni enye yezi nkokheli, uDr Mmusi Maimane…
NEWS REVIEW - We discuss the recent sexual misconduct allegations that rocked the Eastern Cape schools
Ekupheleni kwenyanga esiphuma kuyo, kuye kweerhwelele iindaba ezingentle nalapho ootitshala kwiphondo iMpuma Koloni betyholwa ngokwabelana ngesondo nabantwana besikolo. Ngokoshicilelo lwe-vidiyo obeluthe ndii kumakhasi onxibelelwano, lo mkhwa awuqali ukwenzeka, sele kuyiminyaka, bade abanye abantwana bakhulelwe, bambi bade bayalelwe ngootitshala ukuba bakhuphe ezi zisu. Bakhona ootitshala abade banqunyanyiswa liSebe ephondweni, kulandela ezi zityholo. Ingaba yintoni ebangela ukuba utitshala xa ebona umfundi phambi kwakhe, engaboni umntwana wakhe ekufuneka emkhusele, koko abone umntu anokulala naye okanye anokuthandana naye? Ingaba sisohlwayo esinjani esifanelwe ngumntu onjalo, omosha ikamva lomntwana, ophantsi kokhathalelo lwakhe? Ukuxoxa banzi ngalo mba, emnxebeni uAyabonga Kekana ubambe umphathiswa weSebe lezemfundo kwiphondo, uFundile Gade, kwakunye nonobhala wemanyano yootitshala, iSADTU, kwiphondo, uMalibongwe Ntame...
INTERCHANGE - EC Provincial three-day Book Fair is underway in BCM
ISebe lezemidlalo, ubugcisa nenkcubeko kwiphondo leMpuma Koloni, liza kubamba umboniso weencwadi, i-Book Fair ngolwasemzini, kumasipala ombhaxa i-Buffalo City. Lo msitho, noqale izolo, uza kuqhuba de kube ngumhla wesihlanu kule imiyo. Lo msitho udibanisa ababhali abohlukileyo, ukwa liqonga lokubamba iingxoxo ngemiba eyohlukileyo, kuquka kuyo umgama osele uhanjiwe ngurhulumente wenkqubo yesininzi kule nkalo, kwakunye nemiba yezentlalo. Ukusabela banzi, emnxebeni sibambe umphathiswa weli Sebe, uSibulele Ngongo...
Constitutional Court has ruled that both parents regardless of gender, sex, colour or circumstances will now be entitled to equal parental leave
Inkundla yomgaqo-siseko igwebe ngelithi abazali bobabini banelungelo lokwaba ikhefu lobuzali emva kokuba beye banosana olutsha. Eli khefu nelaziwa ngokuba yi parental leave, ngaphambili belivumela oomama ukuba baxhamle iinyanga ezine kulo xa begqiba kubeleka; ze ootata bona baxhamle iintsuku ezilishumi kuphela. Isigwebo senkundla ngoku sithi abazali bobabini mabohlulelane ngeli khefu phantsi komthetho i-Basic Conditions of Employment Act. Masifumane uhlalutyo ngesi sigwebo kwingcali yezomthetho uAdvocate Dumisani Appolis…
Save video to ...
