Lorem Ipsum is simply dummy text of the printing and typesetting industry. Lorem Ipsum has been the industry's standard dummy text ever since the 1500s
listen to Tru Fm Current Affairs
Tru Fm Current Affairs
MALARIA
Liyaxhalabisa inani labantu abosulelwe sisifo i malaria eGauteng. IXa kuthelekiswa nonyaka ophelileyo elixesha, bangamakhulu mane aneshumi elinesine abantu abosulelwe sesisifo kwabhubha abalishumi elinanye phakathi kwenyanga yoMqungu neyoKwindla kulonyaka.. Ukusabela banzi ngoku, emnxebeni sinaye ophuma kwisebe lezempilo eGauteng nongusekela mlawuli kwicandelo elijongene nohlolo lwezifo ezosulelayo, uMr Mzimasi Neti.....
NEWS REVIEW - Unpacking EFF leader's conviction and sentencing by the EL Magistrate Court
Igwetywe iminyaka emihlanu entolongweni inkokheli ye-EFF uJulius Malema yinkundla kaMantyi kuGompo eMpuma Koloni ngoLwesihlanu weveki ephelileyo. Oku kulandela ukumfumanisa enetyala lokudubula umpu esidlangalaleni kumsitho wokubhiyozela iminyaka emihlanu umbutho wakhe wasekwa ngo-2018, kwibala lezemidlalo iSisa Dukashe eMdantsane. Elinye ityala afunyaniswe enalo lelo lokubanompu kuye ngokungekho-mthethweni. Ezinye ke izigwebo ziquka imidliwo ethi xa idityanisiwe ixabise imali ebabelwa kwi-sixty thousand rands. UMalema uye wafaka isicelo sesibheno ekufunyanisweni enetyala nakwiminyaka yesigwebo leyo. Oku kulibeka phi ikamva likaMalema njengosopolitiki? Umbutho wona? Emnxebeni uAyabonga Kekana ubambe umhlalutyi wezopolitiko uGqirha Makhosandile Khwaza kunye nengcali kwimiba yomthetho uAdvocate Vusi Vilakazi...
INTERCHANGE - Book review with Sinoxolo Nxakama, the author of a book called "Laqhawuka ityathanga".
Kuhlalutyo lwencwadi kule veki, sijonga incwadi esihloko sithi "Laqhawuka Ityathanga", nebhalwe ngu Sinoxolo Nxakama, oyinzalelwane yakuTsolo, eMpuma Koloni. Le ncwadi engumdlalo weqonga, ifundisa ngokunyamezela ubunzima bayo nayiphi na imingeni umntu agagana nayo ebomini. Ukusabela banzi ngokuqulathwe yile ncwadi, emnxebeni uAyabonga Kekana ubambe umbhali wayo, uSinoxolo Nxakama...
INTERCHANGE - Awareness campaign run/walk for Autism
Kumaphondo aliqela namhlanje kuza kubanjwa ugqatso bambi bethe chu umgama ongange 5km, kuphawulwa iphulo lokufundisa nge-Autism. Abafundi ababini, uNkazi noJoel, nabaphila neAutism, baphambili ekuququzeleni olu gqatso. Ezinye zeenjongo zokubamba olu suku, kukufundisa uluntu ngeAutism, ukunika inkxaso kwabanye abafundi abaphila neAutism, kwakunye nokwazi ngokuphangaleleyo ngeAutism. Emnxebeni uAyabonga Kekana ubambe olitshantliziyo kwimiba yeAutism, nokwa ngumzali kaNkazi, uLuleka Radebe...
Legal analysis on EFF leader Julius Malema's judgement
Umbutho iEFF uthi uza kuthatha amanyathelo omthetho ukucel' umngeni kumba wokufunyanwa kwenkokheli yalo mbutho, uJulius Malema, enetyala. Oku kusemva kokuba inkundla yenqila yaKuGompo City, kwiMpuma Koloni inike uMalema imvume yokuba abhene kwisigwebo sakhe seminyaka emihlanu eseluvalelweni, kwityala lakhe lokudubula umpu esidlangalaleni. Noko kunjalo, le nkundla isikhabile isicelo samagqwetha sokubhena ukubekwa kwakhe ityala. UMalema ugwetywe iminyaka emihlanu entolongweni ngokuba nompu ngokungekho mthethweni, neminyaka emibini entolongweni ngokuba neembumbulu ngokungekho mthethweni. La matyala aza kuqhuba ngexesha elinye. Sithe makhe sincokole nengcali kwimiba yezomthetho malunga nesi sigwebo, kwakunye nesibheno sika Malema. UAmanda Xhala uncokole nengcali yezomthetho uAdvocate Jazz Vilakazi...
TRUNEWS @6 - History Curriculum and Assessment Policy Statement for Grades 4 to 12
ISebe lemfundo esisiseko liphakamise uhlengahlengiso kwi-curriculum yesifundo sembali (History), nalapho kucetywa ukuba kugxininiswe kwimbali yelizwekazi iAfrika, uMzantsi Afrika kwakunye nezakhono zokucinga ngokuphangaleleyo. Uluntu lulindeleke ukuba luvakalise izimvo zalo ngale curriculum kucetywa ukuba ifundiswe kwaGrade 4 ukuya kwaGrade 12. Le nkqubo yokuphononongwa nokuphuculwa kwale curriculum yaqala ngonyaka ka2019, nalapho konyulwa iqela elizakujongana nezi zifundo. Kunyaka ophelileyo kwinyanga yeNkanga, lomqulu wapasiswa ngamasebe namaqumrhu karhulumente abandakanyekayo ukuba usiwe eluntwini. Emnxebeni uAmanda Xhala ubambe othethela iSebe lemfundo esisiseko, uTerrence Khala...
85 to 95 percent of offenders return to crime and serious questions are being raised about whether that goal is being achieved
Kuqikelelwa ukuba ngumyinge ka-85 ukuya ku95% wabophuli-mthetho abaye baphinde bophule umthetho kwakhona emva kokuba bekhululiwe entolongweni, nto leyo exhalabisa kakhulu. Ngoku umbuzo ngowokuba, ingaba amaziko eenkonzo zoluleko awoluleka ngokupheleleyo kusini na amabanjwa? Ezinye izimvo zezokuba ingxaki ikwiinkqubo zoluleko ezingonelanga. Ukushukuxa banzi lomba kwinkqubo yethu sithetha noyingcali kwimiba yolwaphulo-mthetho, ugqirha Thompo Tshivhase
JSC
Ikomishoni yeenkonzo zobulungisa, iJSC, indulule kwelokuba iphakamise usekela mongameli weejaji, ujaji Aubrey Ledwaba kwisikhundla sejaji eyongameleyo kwinkundla ephakamileyo ezinze eGauteng. ULedwaba nenguye yedwa umgqatswa kwesisikhundla, ubekudliwano-ndlebe kunye neJSC eSandton eRhawutini namhlanje. Esisiphakamiso sizakuthunyelwa kumongameli uCyril Ramaphosa nozakwenza isigqibo sokugqibela. Ukuhlalutya banzi oku emnxebeni sibambe umhlalutyi wezopolitiko ugqirha Makhosandile Khwaza
DA elects new leadership
Umbutho iDA nongowesibini ukuba mkhulu kwelilizwe, wonyule iinkokheli ezintsha ezizakukhokhela kwibhunga lalombutho . Usodolophu waseKapa, uGeordin Hill-Lewis, uyinkokheli entsha yalo mbutho engena ezihlangwini zobeyinkokheli yalo mbutho, uJohn Steenhuisen. UHill-Lewis uzibophelele ekukhuliseni lo mbutho ube ngowona mkhulu kwelilizwe. u Hlumelo Xaba nongumhlalutyi wezopolitiko usenzele uhlalutyo ngoku
NEWS REVIEW - Growing use of AI among school learners and its potential impact on their critical thinking and cognitive development
Uphando lwakutshanje lubonisa ukuba bangaphezulu kwe-60% abantwana besikolo abasebenzisa inkqubo yekhompyutha ebizwa iArtificial Intelligence, i-AI ngamafuphi, uninzi lwabo besebenzisa le AI kwimisebenzi yabo yesikolo, ukusuka kuphando ukuya ekusombululeni iingxaki zezibalo. Ingaba oku kuthetha ntoni ngesakhono sokucinga nzulu nakuphuhliso lwengqondo yabantwana? Ingaba i-AI iyanceda ekufundeni okanye iyawadodobalisa amandla okucinga ngokuzimeleyo? Ukusabela banzi, emnxebeni uAyabonga Kekana ubambe ingcali kwimiba engqamene nezobuchwepheshe uChuma Memela, kunye noyigcali kwimiba yezemfundo uNomandla Singeni…
INTERCHANGE - The Eastern Cape Film Festival hosts the "Showcase" in Kariega to identify, upskill and showcase talent local communities
I- Eastern Cape Film Festival ivula iqonga lokuphulisa iitalente nezakhono kwicandelo lobugcisa, ingakumbi kumagcisa aphuma kwimimandla efana neelokishi kunye neelali, nokuba kunikezwe ithuba lokuba amagcisa ngokucula, abadlali beqonga, namaqhula, abalise amabali eendawo abasuka kuzo; bekwenza oko kwiindawo ezo baphuma kuzo. Eli liqonga livulelwa uluntu namagcisa aseKariega, eMpuma Koloni, namhlanje, kwaye alijolisanga kulonwabo nje, kodwa likwaxhobisa abaqulunqi bemidlalo yeqonga, namagcisa ngomsebenzi okweli candelo. Emnxebeni uAyabonga Kekana uncokola nomlawuli we-Eastern Cape Film Festival, uNceba Mqolomba…
INTERCHANGE - A review of Sipho Tshaka's book titled: The Dark Side of Campus Life, that exposes the realities of lives lived by students in higher learning institutions
Ubomi bomfundi kwiziko lemfundo ephakamileyo lunemingeni eliqela, ngaphandle kwezifundo zakhe. Uxinzelelo lwengqondo ngenxa yokufuna ukungena kubomi obuphilwa ngabalingane babo, iziyobisi, ukulwa nokungazazi ukuba ungubani, ulonwabo oluphazamisana nezifundo zomntu, zezinye zezinto ezibalulwa yincwadi esihloko sithi: The Dark Side of Campus Life, nebhalwe nguSipho Tshaka. Kule ncwadi, uTshaka udakanca le mingeni, neenyani zempilo ephilwa ngabafundi kula maziko. Le ncwadi ikwanazo neziphakamiso zokuba ubani angazikhwebula njani kwizinto ezinokumphazamisa kwimpumelelo yakhe. Emnxebeni uAyabonga Kekana ubambe umbhali wale ncwadi, uSipho Tshaka…
TRUNEWS @6 - Minister of Justice and Constitutional Development, Mmamoloko Kubayi, has officially released the Protected Disclosure Bill.
Umphathiswa wezobulungisa nophuhliso lomgaqo-siseko, uMmamoloko Kubayi, uwukhuphe ngokusesikweni umthetho-oyilwayo ojongene nokukhuselwa koodiza-mahlebo owaziwa njenge Protected Disclosure Bill. Lo mthetho ujoliswe ekuqiniseni ingalo yomthetho ukukhusela abo baye badize iinkcukacha ngolwaphulomthetho, nangokuziphatha okungafanelekanga okwenzeka kwicandelo labucala nakurhulumente. Lo mthetho uza emva kokuba ikomishoni yophando kaZondo iphawule iintanda kumthetho ojongene nokukhuselwa koodiza-mahlebo. Ukanti, ukuxoxa banzi ngokhuseleko loodiz' amahlebo ababhenca urhwaphilizo kwiindawo zempangelo, on the line now Amanda Xhala is joined by OUTA's Chief Executive Officer, Wayne Duvenage…
KuGompo City residentws hold peaceful march over criminal activities
Abahlali bakuGompo batyhola amapolisa ngokukhusela abemi base Nigeria ababatyhola ngokuba bathengisa iziyobisi kulangingqi. Isakhiwo esaziwa ngokuba yi California nalapho kutyholwa ngokuba yindawo eyenza neshishina ngeziyobisi, yeyona ndawo lomngcelele ubusingise kuyo, kunyanzeliswa ukuba ivalwe. Oku kuza emva kwesehlo sokubekwa kwalowo kuthiwa yikumkani yama Igbo yase Nigeria kuledolophu nesifumene ugxeko olukhulu. U Abongile Jantjies uyalazi elibali
TRUNEWS @6 - Dept of Labour and Employment published an amendment bill to protect independent contractors
ISebe lezemisebenzi nengqesho lipapashe uhlengahlengiso kumthetho ojongene neemeko zokuphangela, iBasic Conditions of Employment Act ka-1997. Olu hlengahlengiso lwenzelwe ukukhusela abasebenzi abasebenza kuphela xa bedingwa ngabaqeshi, nababizwa ngokuba zii-independent contractors, kwezinye iindawo bebizwa ngokuba zi on-call contracts. Iimeko abasebenza phantsi kwazo aba basebenzi azintlanga amaxesha amaninzi, kwaye bazibhaqa bexhatshazwa ngabaqeshi. To hear more about this, on the line now Amanda Xhala is joined by Stephen Rathai from the Department of Labour and Employment...
NEWS REVIEW - Plan and Strategies of the newly appointed Eastern Cape Police Commissioner, Lt Gen Vuyisile Ncata
Inkonzo yesipolisa eMpuma Koloni yonyule umkomishinala omtsha wamapolisa, uLt Gen Vuyisile Ncata, engena ezihlangwini zobe ngumkomishinala uLt Gen uNomthetheleli Mene. UNcata uthi uyayazi imingeni ejamelene neliphondo kwaye uzibophelele ekubekeni phambili ukhuseleko loluntu, aqubisane nolwaphulo mthetho. Ufika ngexesha iphondo lisajongene neqondo eliphezulu leentlobo ezahlukileyo zolwaphulo mthetho, nalapho sibone kutyalwa namajoni. Sithe makhe sincokole naye buqu ukuba sive ngomsebenzi athembisa ngokuwenza kweliphondo leMpuma Koloni. Ukuxoxa banzi ngalo mba, emnxebeni uAyabonga Kekana ubambe umkomishinala omtsha wamapolisa kwiMpuma Koloni, uLt Gen Vuyisile Ncata....
Latest on US and Iran war
Abaphathiswa abajongene nemiba yamazwe angaphandle nabaphuma kumazwe angamashumi amane aquka iBrithane, iJamani, Canada neIndia phakathi kwamanye, babambe indibano ezakuza namaqhinga okuzama ukuvula umzila iStrait of Hormuz. IStrait of Hormuz kulapho iinqanawe ezithutha amafutha aquka ipetula, idiesel kwakunye nerhasi zinqumla khona. Ngumyinge we-20 percent wehlabathi oxhamlayo kwi-Oli yase-Iran kuquka neMelika. Umlo phakathi kweMelika neIran, wenza kubenzima ukuba ihlabathi lifumane iOli. Kodwa umphathiswa wase-Iran ojongene nemicimbi yangaphandle uthi nabani na uvumekile ukuba afumane iOli kwelalizwe ngaphandle kwabo babahlaselayo. Yiveki yesihlanu kugquba imfazwe phakathi kweIran, iMelika kwakunye noSirayeli. UAmanda Xhala uncokola nengcali kwimiba yamazwe angaphandle, ugqirha Thelela Ngcethane-Vika.
INTERCHANGE - Book Review with Alulutho Majali the author of the book called "The SEED".)
Kuhlalutyo lwencwadi kule mpelaveki, sijonge incwadi enesihloko esithi "THE SEED", ebhalwe ngu Alulutho Majali. Le ncwadi ibalisa ngemingeni athe wagagana nayo umbhali ekukhuleni kwakhe, emva kokushiywa ngumamakhe eselula, kwakunye nempatho-mbi awayifumana kubantu ekwakufanele ukuba bayamkhusela. Emnxebeni kungokunje uAyabonga Kekana ubambe uMajali, ukuze asicacisela banzi ngale ncwadi...
TRUNEWS @6 - The Eastern Cape Department of Transport will roll out a series of targeted roadblocks across key routes in the province
Nje ngenxalenye yeenzame zokuphucula ukhuseleko ezindleleni, kwa nokucutha iingozi zendlela ngeli xesha lePasika, iSebe lezothutho kwiphondo iMpuma Koloni libambe uthotho lweenkqubo zovalo lwemigaqo esetyenziswa kakhulu ngabaqhubi kweli phondo. Ezi roadblocks ziyinxalenye yephulo iArrive Alive, nelijoliswe ekuqinisekiseni ukuba abasebenzisi bendlela bafika bekhuselekile kwiindawo abaya kuzo. Ukuva banzi ngalo mba, emnxebeni u-Amanda Xhala ubambe othethela iSebe lezothutho kwiphondo, u-Unathi Binqose...
We speak with the CRL Commission on what should be done to protect congregants from cult churches
Ukuyeka kwabantu imisebenzi, abantwana bayeke izikolo, abagulayo bayeke ukusela amayeza abo ngenxa yenkolo yabo nenkolelo yabo kuphinde kwaphantsi kwesithatha kwakhona. Oku kuza emva kweengxelo zokuba kukho abantu abangaphaya kwamashumi amahlanu abenze oku, bambi bade bashiya namaqabane abo ngeliyokuzibandakanya nebandla i-Ekhaya Labafundi bakaJehovah, nelizinze kuMntla weTheku, KwaZulu-Natal. Sithe masikrwece iKomishoni ethwaliswe uxanduva lokukhusela inkolo, inkcubeko, amasiko kunye neelwimi neyaziwa njenge-CRL Commission. UAmanda Xhala uncokola nosihlalo wale komishoni uThoko Mkhwanazi-Xaluva…
Commuters may have to pay more as fuel hikes affect the taxi industry
Umbutho omele abo bakwicandelo loshishino lwee-taxi iSANTACO, uthi uxhalabile kukwenyuka kwamaxabiso amafutha ezithuthi, nefuthe elinokubakho kwinkonzo yezothutho abanikezela ngayo kubakhweli beli. Imfazwe egqubayo kwi-Middle East ibangele ukwenyuka kwamaxabiso e-oli kwihlabathi, nto leyo ebangele ukwenyuswa kwamaxabiso amafutha ngokothusayo kweli. Zombini iintlobo ze-Petrol zenyuswe ngemali ebalelwa kwi-three rands six cents ilitha; ngeli lixa zombini iintlobo ze-diesel zenyuswe nge-seven-rands-37 cents ne-seven-rands-51 cents ilitha. UAmanda Xhala uncokole nothethela iSANTACO kuzwelonke, uRebecca Phala…
Reaction from Lukhanyo Calata on the dismissal of former presidents application in the TRC cases inquiry matter
Sichithiwe isicelo sokususwa kukaJustice Sisi Khampepe njengejaji echophele ukuphandwa kwamatyala ekomishoni yenyani noxolelaniso. Esi sicelo sikhatywe yinkundla ephakamileyo yaseRhawutini. Ababesakuba ngoomongameli beli, uJacob Zuma noThabo Mbeki, bafaka esi sicelo ngelithi makasuswe, kwaye izigqibo ezisele zithathiwe zibekelwe bucala. Inkundla ifumanise ukuba basilele ukulandela iinkqubo ezizizo zomthetho, kungoko isicelo sabo sichithiwe. Sithe masikrwece iintsapho ezichaphazelekayo sive uluvo lwabo ngoku. UAyabonga Kekana uncokole nothethela usapho lakwaCalata, uLukhanyo Calata...
The Public Service Commission tabled its report before the Eastern Cape Provincial Legislature
Ikomishoni ejongene nomsebenzi weenkonzo zikarhulumente, iPublic Service Commission ithe thaca ingxelo kwindlu yowiso-mthetho eMpuma Koloni emayela nomsebenzi wayo wophando ochaphazela isebe lezemfundo nelezempilo ephondweni. Masincokole ngeziphumo nezindululo zoluphando nomkhomishinala we-PSC ephondweni uVuyani Mapolisa...
Portfolio Committee on Co-operative Governance has flagged accountability concerns at Nelson Mandela Bay Metro
Usodolophu womasipala ombaxa iNelson Mandela Bay eMpuma Koloni, uBabalwa Lobishe uvumile ukuba ukutyikitya kwakhe isivumelwano sokuqeshisa nge-transformer kwinkampani iCoega Steel, usityikitye ngaphandle kokulandela iinkqubo zomthetho, ezithi mayibelibhunga lo masipala elithatha isigqibo ngoku. Nangona uLobishe evumile ukuba akwenzileyo akukho mthethweni nje, kodwa usikhusele isigqibo sakhe. Masimve ngethuba ephendula kwimibuzo kasihlalo wekomiti ethwaliswe uxanduva lokujonga umsebenzi wesebe lorhulumento ngentsebenziswano ePalamente uGqirha Zweli Mkhize, oqale ngokutyikitywa kwesi sivumelwano nguLobishe…
We unpack the Eastern Cape Provincial Budget
Kutshanje, umphathiswa wezezimali kwiphondo iMpuma Koloni, uMlungisi Mvoko, uwise uhlahlo-lwabiwomali lwephondo, nolubonwa nje ngolusekelezelwe kwiimfuno zoluntu. Olu lwabiwo-mali, noluxabisa malunga ne R105 billion, lugxile kuphuhliso lweziseko, ukuveliswa kwezithuba zengqesho, nokuxhasa abantu abangathathi-ntweni, phakathi kwezinye izinto. Lukwagxile ekulawuleni inkcitho karhulumente ngokuthi uhlumo loqoqosho luhambelane nohanjiso lweenkonzo. Ukuxoxa banzi ngolu hlahlo-lwabiwomali, uAyabonga Kekana uncokola nomphathiswa uMlungisi Mvoko...
30 MINUTES LIVE - BUDGET SPEECH COMPETITION
Nanjengoko kulindeleke ukuba umphathiswa wemicimbi yezemali awise uhlahlo lwabiwo-mali lwakhe lwalo nyaka, namhlanje sithe khe sithethe banzi ngokhuphiswano olubanjwa minyaka le, iNedbank and Old Mutual Budget Speech Competition. Emnxebeni, uAmanda Xhala ubambe omnye wabafundi abaye bathabatha inxaxheba kolu khuphiswano, uAphiwe Dabula...
Learners at Qokolweni Senior Secondary School in Mthatha are accusing their school of ill-treatment and sexual abuse.
Abafundi baseQokolweni Senior Secondary eMthatha, eMpuma Koloni, batyhola ootitshala ngokubaxhaphaza ngokwesondo, iintetha ezingqwabalala, kwanokucelwa ukuba baphulule ootitshala inyawo zabo. Ukanti ababafundi bakwatyhola ngelithi bahlawuliswa imali emasangweni esikolo xa befike emva kwexesha esikolweni, logama kukwakho nenkxalabo ngenkqubo yokutyisa abafundi, nalapho besithi abanye abafundi bashiyeka bengafumani kutya ngenxa yokuba ootitshala bayaziphakela. UAyabonga Kekana uncokole nelungu leSGB uPumza Fatsha...
Future discussions on allowing access to the retirement pot of savings in the two pot retirement system
I-ofisi kanondyebo iceba ukubamba iingxoxo ngokuvunyelwa kwabasebenzi ukuba bakwazi ukufikelela kwingxowa mali ongenakufikelela kuyo de uthathe umhlala phantsi ( retirement pot). Eli sebe lithi lemali iyakufunyanwa ngabo baphantsi koxinizelelo olumandla. Ngokwangoku, abasebenzi bayakwazi ukufumana kwenye yezimbiza zintathu ezikulengxowa yomhlala phantsi. Umbutho wabasebenzi iCOSATU, uyayixhasa lembono. Ngokwengxelo ye-arhente ye rhafu uka-SARS, bayi 5.6 million abantu abasele befake izicelo ukusukela kunyaka ka2024 ukuzakutsho ku2026. UAyabonga Kekana uncokola nothethela iCOSATU, uZanele Sabela.
30 Minutes Live| Eastern Cape Department of Health to roll out HIV prevention jabs at 49 clinics across the province
Isebe lezempilo eMpuma Koloni liza kukhupha isitofu esitsha sokuthintela i-HIV nesibizwa nge Lenacapavir, kwiikliniki ezingama shumi amane anesithoba kweli phondo. Esisitofu siluhlobo lwe Pre-exposure prophylaxis(PrEP) olusebenza ixesha elide, sizakutofwa kwabini ngonyaka engaweni yokuthatha iipilisi. Bangapha kwamawaka asibhozo kweli phondo abantu abazakuxhamla kwisigaba sokuqala salenkqubo. Ayabonga Kekana uncokola noyiHIV prevention manager kweli sebe, uLiziwe Lunyawo...
ALFRED NZO MAYOR ON NEWSREVIEW
Ku NewsReview kulempela veki u Ayabonga Kekana wenze udliwano ndlebe nosodolophu osandulukungena kumasipala i Alfed Nzo Municipality u Tsileng Sobuthongo...
Police Minister Senzo Mchunu is ready to resume his political duties in the African National Congress
Isithethi somphathiswa wenkonzo yesipolisa obekwe kwikhefu elikhethekileyo, nokwalilo nelungu lesigqeba solawulo kwi-ANC, uSenzo Mchunu, singqinile ukuba uMchunu ukulungele ukubuyela emsebenzini wakhe embuthweni. USithembiso Mshengu nosisithethi sikaMchunu uthi bazakubhalela unobhala-jikelele we-ANC bamazise ngesigqibo sakhe. UMchunu waye wabekwa kwikhefu elikhethekileyo kulandela isigqibo sakhe sokubhangisa iPolitical Killings Task Team ngo-December ka-2024, nangenxa yezityholo zobudlelane bakhe nabatyholwa ngokuba yinxalenye yemikhambathi yoonqevu. UMchunu waye wacela ukuthi gu nakwiinkqubo ze-ANC ukuze ahlambe igama lakhe. Waye wavela phambi kwekomiti yethutyana ePalamente ephanda ezi zityholo, nakwikomishoni kaMadlanga kunyaka odlulileyo. Apha enkqubeni siye sancokola nomhlalutyi wezopolitiko uGqirha Xolisile.
30 MINUTES LIVE - NMB marked as the epicenter of insurance killings
Iphondo iMpuma Koloni, ingakumbi ingingqi iNelson Mandela Bay Metro, ibonwa njengeyona ndawo enamanani aphezulu okubulawa kwabantu ngeenjongo zokufumana ibango kwi-insurance. Angapha kwamashumi amathandathu amatyala okubulawa kwabantu ngenxa yokufuna imali ye-insurance, aphandwayo eNelson Mandela Bay. Ngenxa yoku, umkhomishinala wenkonzo yesipolisa kuzwelonke, uGeneral Fannie Masemola, uyalele inkonzo yesipolisa ephondweni ukuba imilisele iqela lethutyana elizakuphanda ulwaphulo-mthetho olumayela noku. On the line now Ayabonga is joined by the national SAPS spokesperson, Brigadier Athenda Mathe…
30 MINUTES LIVE - Teachers posting pupils on social media posing significant safety, privacy and legal risks.
Ukupapashwa kwemifanekiso okanye iifoto, kuquka ii-vidiyo zabafundi kumakhasi onxibelelwano ngootitshala kuphakamisa inkxalabo malunga nokhuseleko lwabantwana, kwanokuba bayifumene na imvume yokwenza oko kusini na (consent). Nangona abanye ootishala besithi injongo kukubonisa imisebenzi yezikolo kunye nempumelelo yabafundi, oku kuvusa imibuzo yokuba le ndlela ayiyophuli na imigaqo yezikolo okanye amalungelo abafundi. Lo mba ubangele ingxoxo-mpikiswano malunga nokuziphatha kootishala kweli xesha lokusetyenziswa kobuchwepheshe bonxibelelwano, kunye neziphumo ezinokubakho kootitshala abapapasha imifanekiso yabafundi ngaphandle kwemvume. Emnxebeni, uAyabonga Kekana ubambe isithethi sombutho wootishala iSADTU, uNomusa Cembi...
TRUNEWS @6 - Eastern Cape Transport MEC visits family members of the five deceased.
Amalungu osapho lwabantu abahlanu abaphulukene nobomi kwingozi emasikizi eyehle kuhola wendlela uN6 phakathi kweCumakala nedolophu yaKuGompo, kwiphondo iMpuma Koloni ngeCawa, athi kusenzima ukuzamkela ezi ndaba zibuhlungu kangaka. Abanye abantu abangamashumi amathandathu bonzakele ngokumasikizi, emva kukuba ibhasi nesithuthi esincinci zingquzulene kwasweleka bonke abantu abebekwe sisithuthi. Usapho lwabafi belulungiselela umngcwabo welinye ilungu losapho ngexa kusehla le ntlekele. UAbongile Jantjies uza nengxelo...
TRUNEWS @6 - Mosiuoa Lekota remembered as a brilliant organiser by his comrades and friends
Izihlobo namaqabane alowo ungasekhoyo obengumseki wombutho i Congress of the People, u Mosiua Terror Lekota, zimkhumbule njengomququzeleli ophum'izandla ngethuba kubanjwe inkonzo yakhe yesikhumbulo kwibandla lamakatolika, i Regina Mundii, eSoweto namhlanje. uNtebo Mokobo ebelapho wasenzela lengxelo iza no Thandokazi Vusani
ECHRC subpoenaed the Provincial Health Department to address widespread challenges across several healthcare facilities
Ikomishoni yamalungelo oluntu eMpuma Koloni, izolo ikhwebe isebe lezempilo ephondweni kwintlanganiso ebifuna ingcaciso kuyo ngokufeda kwesebe kwiinkqubo zalo zokubonelela ngeenkonzo zempilo, kuluntu lwephondo. Oku kulandela ukufakwa kwezikhalazo luluntu lwephondo ngemingeni olujamelana nayo xa lundwendwele amaziko esebe abonelela ngeenkonzo zempilo. Masincokole nosihlalo wale komishoni ephondweni, uGqirha Eilen Carter…
Courts to be asked to intervene to save a teen's life
Isibhedlele saseRhawutini iCharlotte Maxeke Academic, kunganyanzeleka sibhenele kwiinkundla zamatyala ngelokungenelela ekusindiswe ubomi benkwenkwana eneminyaka elishumi elinesihlanu ubudala, edinga ukutyandwa kodwa abazali bomntwana bayala ukuba athiwe igazi ngenxa yenkolo yabo. Le nkwenkwana yaseMpumalanga elwa nesifo sezintso nesibindi, icocwa igazi (dialysis) kwisibhedlele i-Charlotte Maxeke Academic. Emnxebeni, sinaye umphathiswa wezempilo ugqirha Aaron Motsoaledi..
News Review | Violence and bullying in schools in the Eastern Cape)
Ubundlobongela kunye nokuxhatshazwa kwabafundi ezikolweni eMpuma Koloni kuphinde kwangu ndaba mlonyeni. Oku kulandela iziganeko zakutshanje ezixhalabisayo, nezibandakanya abafundi kwezinye zezikolo kweli phondo. KuGompo kuye sibone kumakhasi onxibelelwano ushicilelo lwe video ebonisa umfundi ebethwa ngabanye abafundi, nto leyo ethe yabangela umsindo kuluntu kunye nemibuzo malunga nokhuseleko ezikolweni. Kanti e Mthatha, amagosa ezemfundo anyanzeleke angenelele emva kwezikhalazo zokuxhatshazwa kwabafundi ezikolweni, ukubala iziganeko nje ezimbalwa. Oku kuphinde kwavusa iingxoxo malunga nendlela ekulawulwa ngayo ezikolweni, indima ekumele yenziwa ngabazali kunye noluntu ngokubanzi, ukuqinisekisa ukuba izikolo zihlala ziyindawo ekhuselekileyo yokufunda.Ayabonga Kekana uncokola noyiChief Director: Education Social Support Services kwiSebe lezemfundo kweli Phondo , uLulamani Zenzile. Kunye nothethela iSGB uLungisa Mahobe....
30 Minutes Live | Study calls for the formalisation of the taxi industry
Uphando ngoshishino lweeteksi zaseMzantsi Afrika ( Minibus taxi industry) olwenziwe yi-university yase Fort Hare, eMpuma Koloni, lugxile kwindima yeli candelo. Olu phando lukhankanye ukuba eli shishini leeteksi lidlala indima ebalulekileyo kwinkqubo yezothutho kweli, neli bonelela malunga ne70% yabakhweli. Lukwa hlab'ikhwelo lokuba elishishini libhaliswe. Emnxebeni sinaye umphandi oyintloko ophuma kwi University of Fort Hare, uDr Siyabulela Fobosi.
30 MINUTES LIVE | Department of Employment and Labour has urged construction companies to prioritise hiring South Africans
Isebe lemisebenzi nezengqesho libongoza iinkampani zabakhi (construction) ukuba ziqale ngokuqesha abemi boMzantsi Afrika. Esisimemelelo siza emva kokuba elisebe lenze ugqogqo kwiinkampani ezimbini zokwakha nalapho lifumanise abemi bangaphandle abangamashumi amahlanu bengenazi mpepha zokuba kweli. Iinkampani zokwakha ayizizo zodwa ezijamelene nalengxaki yokuqeshwa kwabemi bangaphandle abangenazi mpepha. Ayabonga Kekana was in coversation with Deputy Director-General for Inspection and Enforcement Services, Aggy Moiloa.
30 MINUTES LIVE | Government employees voice their unhappiness over the Government Employees Medical Scheme 9.8 percent hike.
Abasebenzi baseburhulumenteni nabangamalungu enkqubo ye-medical aid uGEMS abaxolanga sisigqibo sokunyuswa kwexabiso abalihlawulela ezi nkonzo ngomyinge ka-nine-point-eight percent ekhulwini. Iimanyano zabasebnzi angamalungu ka-GEMS kwiiveki eziphelileyo baye bangena ezitalatweni ngelivakalisa uluvo lokuchasa esi sigqibo. Yilonto sithe masimeme le medical aid scheme enkqubeni. Ayabonga Kekana uncokola noyi-Chief Operations Officer, kwa-GEMS uGqirha Vuyo Gqola…
30 MINUTES LIVE | EFF - SACP BILATERAL MEETING
Kubonakala ngokungathi uqhogwano lwakuba likhubalo imibutho yezopolitiko elusebenzisayo ukufuna impumelelo. Intlanganiso ebiphakathi kwe-EFF kunye ne-SACP ibonwa njengezele amaduna namathokazi yile mibutho. Injongo yayo ibikukushukuxa iindlela zentsebenziswano phakathi kwale mibutho nezineentsika zopolitiko eziyeleleneyo, nokuba ingasebenzisana njani kunyulo loomasipala oluzakubanjwa kulo nyaka. Nayo I-Action SA ifuna ukusebenzisana nemibutho emincici eneembono ezisondeleyo kwezayo. I-BOSA, iRise Mzansi kunye ne-GOOD PARTY nazo zingene kumtshato wokuzama ukwenyusa inkxaso yabo kolu nyulo luzayo.Ayabonga Kekana uncokola nmhlalutyi wezopolitiko uHlumelo Xaba...
30 MINUTES LIVE - Learners' battle rage in Komani school has resulted to two learners to be hospitalised
Umbhodamo oqhambuke kwisikolo samabanga aphakamileyo iNdlovukazi kuKomani eMpuma Koloni, ubangele ukonzakala kwabafundi ababini ekuye kwanyanzekela ukuba babalekiselwe kwiziko lezempilo elikufuphi. Kukholeleka ukuba lo mlo wabafundi ngezikhali uphenjelelwa yimpixano yeelali aba bafundi abasuka kuzo iNdlovukazi, iLesseyton kunye kunye neZola. Ukuva banzi ngalo mba, emnxebeni uAyabonga Kekana ubambe usihlalo webhodi elawula esa sikolo, u-Unathi Mlindazwe…
30 MINUTES LIVE - COPE leader Mosiuoa Terror Lekota has died
Ayaphokoka amazwi ovelwano emva kokusweleka kwenkokheli yombutho weCOPE, uMosiuoa Terror Lekota. uLekota uzalelwe kwidolophu yaseKroonstad eFreystata ngo1948. Ngo 1974 waye wabanjwa wavalelwa eRobben Island. Lo ka Lekota wayekhe wangusihlalo weANC. Ekuhambeni kwexesha wayinkulu baphathiswa yaseFreystata emva koko wangumphathiswa wesebe lezekhuselo ngethuba likamongameli uThabo Mbeki. Ngo-2008 waye waseka umbutho weCOPE eshiya iANC. Emnxebeni uAyabonga Kekana ubambe ingcali kwimiba yezopolitiko, uGqirha Nkosikhulule Nyembezi, ukusabela ngomqela oshiywa nguloka Lekota...
NCC initiated an investigation on certain sanitary pads and panty liners that may contain harmful chemicals
Ikomishoni kazwelonke ejongene neemfuno zabathengi izakuzenzela olwayo uphando ngezixhobo ezisetyenziswa ngamanina xa esexexheni (Menstrual pads and Pantyliners). Bazakwenza oku emva kophando olwenziwe yiUniversity of Free State, nefumanise ukuba kukho umchiza ophazamisana nenkqubo yendalo yokuba sexesheni (Endocrine-disrupting chemicals). Eyonanto ibivezwa koluphando kukuphakamisa inkxalabo kubathengi nabasebenzisa ezimveliso.Ayabonga Kekana uncokola nothethela lekomishoni uPhetho Ntaba.
NEWS REVIEW - We are unpacking the state of the Eastern Cape provincial address by the Premier
Kwiveki ephelileyo, iNkulu-baphathiswa yePhondo iMpuma-Koloni, uOscar Mabuyane, iwise intetho yobume bePhondo eBhisho. Kule ntetho uMabuyane ugxile kwimibandela eliqela, nequka oko kuphunyeziweyo kulawulo lwakhe, kwa nemingeni ejongene neli Phondo. Le ntetho iye yaqulatha imingeni ejongene nemo-ntlalo yoluNtu gabalala, efana nendlala, intswela-ngqesho , ulwaphulo-mthetho, nokuguga kweziseko ezingundoqo, phakathi kwezinye izinto. Ukuzama ukusityebisela banzi ngale Ntetho, emnxebeni sino Mphathiswa ojongene nezemidlalo, ubugcisa nenkcubeko kwiPhondo iMpuma-Koloni, uSibulele Ngongo, nothunywe yi Nkulu-baphathiswa…
INTERCHANGE - Mother tongue that took centre stage at 2026 African Languages conference in Ghana this week
Umbutho ongenzi nzuzo kurhulumente nogxile kwimiba yophuhliso yeelwimi kumaziko ophuhliso lwabantwana abaselula eMzantsi Afrika, iFunda Wande, ubuyinxalenye yenkomfa ejongene nokusetyenziswa kolwimi lweenkobe kwizwekazi iAfrika, iAfrican Languages and literacies Conference, nebibanjelwe eACCRA, kwilizwe lase Ghana, kule veki. Lombutho kule nkomfa ubonakalise into enqabileyo ukuza nezisombululo endaweni yokuba kuxoxwe nje kuphela ngeengxaki ezithe mbende elicandelo lezemfundo. Ukanti ezinye iziphatha mandla ebezizimase lenkomfa ngamagosa aphuma kwicandelo lemfundo esisiseko kweli. Ukusabela banzi ngomsebenzi walo mbutho, emnxebeni uBaphilise Manduluka ubambe oligosa leenkqubo kwiFunda Wande, uSiwaphiwe Sibeko...
INTERCHANGE - South African Agricultural Awards (SAAA))
Icandelo lezolimo eMzantsi Afrika, iSouth African Agriculture, lizakubamba umsitho weembasa ozakuwonga amafama ngegalelo lawo kumsebenzi weemveliso zolimo kweli. ISouth African Agricultural Awards (SAAA), liqonga elibhiyozela wonke ubani onegalelo kwicandelo leemveliso zolimo, eziquka abaphandi nzulu, amafama noosomashishini, ukukhankanya nje abambalwa. ISAAA ithi lomsitho ayingomnyhadala nje kuphela, koko lithuba lokubalisa ngegalelo elenziwa ngabalimi. Ukusabela banzi ngezi mbasa, emnxebeni uBaphilise Manduluka ubambe umanejala kwiSouth African Agricultural Awards, uAyanda Mnguni...
TRUNEWS @6 - Sobukwe memorial lecture
Bube sesithatheni ubomi nomqela owashiywa ngongasekhoyo owayelitsha-ntliziyo elalinxamnye nengcinezelo, likwa ngumseki wombutho iPAC, uRobert Sobukhwe, kwisifundo sokumkhumbula ebesibanjwe kwiYunivesiti iNelson Mandela eGqeberha kwiMpuma Koloni. Esi sifundo, nebesibanjwe phantsi komxholo othi "Reading the Signs of Our Times: Enduring Legacy of Robert Sobukwe", besicubunga izinto awathi wazibhala, ubunkokheli bakhe nendlela yokuziphatha. Ingcali kwimiba yembali nomgaqo-nkqubo, uNjingalwazi Sipho Kondlo, iwise intetho ephambili kulo msitho. Lo msitho ufika ngexesha isizwe sivuselele ingqwalasela egxile kubomi bakhe, nalapho kutshanje idolophu iGraaff-Reinet kwiMpuma Koloni ithiywe ngokutsha ngegama likaSobukhwe, ngelokumnika imbeko. UZukiswa Tshume uza nengxelo esiyiqulunqelwe nguKim Daniels...
TRUNEWS @6 - SOPA EC
Inkulu baphathiswa yeMpuma Koloni uOscar Mabuyane, ithi urhulumente weliphondo uzakwenza konke okusemandleni ukubuyisa imisebenzi eyi-32-thousand nelahleke kwikota yesine yonyaka ka2025, nethe yanegalelo ekonyukeni kweqondo lentswela ngqesho nelimi ku 42.5 percent sithetha nje. uMabuyane uthi bajonge ukufumana inkxaso kwicandelo labucala ngokubhekiselele kumba worhwebo kwakunye nakwimizi mveliso ebonakalise umdla ekuzeni neenguqu kwingxaki yokulahleka kwezithuba zengqesho. UMabuyane ebesenza intetho yobume bephondo kwindlu yowisomthetho eBhisho, kusasa namhlanje. UHlumisa Qabaka usenzela le ngxelo...
TRUNEWS @6 - Paul Mashatile will step up to lead the ANC, if asked to
Usekela mongameli weANC, uPaul Mashatile, uthi ukuba kungavela ithuba lokuba azigqatsele ukukhokela lombutho, leyo yinto angayichasanga. UMashatile ebencokola nomhleli wezopolitiko eSABC uMzwandile Mbeje, bechaphazela imiba yokusiwa kweenkonzo eluntwini, oomasipala kwakunye nemiba yangaphakathi kwiANC. UVuyolwethu Mabeqa uza nengxelo esiyiqulunqelwe nguZara Groenewald...
TRUNEWS @6 - Budget analysis
Ukuphucuka kuqokelelo lwengeniso kwenze ukuba urhulumente arhoxise ukwenyuka obekucwangcisiwe kwirhafu, nobekumashumi amabini eebillion zeerandi. Oku kuvele ngethuba umphathiswa wemicimbi yezemali, uEnoch Godongwana, ewisa uhlahlo-lwabiwomali lwalo nyaka epalamente ngenjikalanga yanamhlanje. Ingaba oku kuthetha ukuthini kumhlawuli werhafu weloMzantsi Afrika, kumakhaya nakumashishini ngokubanzi? Ukuhlalutya intetho kamphathiswa, emnxebeni uAmanda Xhala ubambe umhlalutyi wezoqoqosho, uGqirha Nkosikhulule Nyembezi...
TRUNEWS @6 - COSATU reacts to the Budget Speech
Umfela-ndawonye wemibutho yabasebenzi, iCOSATU, uthi uxolile luhlahlo-lwabiwomali oluwiswe ngumphathiswa wemicimbi yezemali, uEnoch Godongwana, epalamente namhlanje. Nangona kunjalo, uthi eyona nto ongaxolanga yiyo kukungabikho mkhombandlela ucacileyo, ngokubhekiselele kumaqumrhu akwarhulumente, nasekuxhasweni kwee-arhente zonyanzeliso lomthetho, phakathi kwezinye izinto. Nanku umququzeleli we-COSATU epalamente, uMatthew Parks...
NEWS REVIEW - State of South African Defence Force and its deployment to assist SAPS in combating crime
Isibhengezo sokuthunyelwa kwamajoni kumaphondo amathathu ukuncedisana namapolisa ukulwa ulwaphulo mthetho kwakunye namaqela oonqevu, kuze nezimvo ezahlukileyo. Ngelithuba abanye abahlali bebona oku njengethemba, abanye babuze ukuba ingaba oku kuzakwenzeka kusini na. Isebe lokhuselo nomkhosi lijamelene nengxaki yolwabiwo mali olungonelanga, kwakunye namajoni angonelanga ukuba angathunyelwa kwiindawo ezahlukileyo. Ngokwengxelo yeDefence Web, yi-27 percent yamajoni akwaziyo ukuthunyelwa kwimimandla eyahlukileyo. Ukuxoxa banzi lo mba, emnxebeni uAyabonga Kekana uchophe nosekela-mphathiswa wezokhuselo, uGeneral Bantu Holomisa...
INTERCHANGE - Preview of SANDF Arms Day in Thohoyandou
Owayesakuba yi Brigadier General yomkhosi wokhuselo weloMzantsi Afrika, iSADF, uthi inkqubo yokudibanisa umkhosi wokhuselo weli, imikhosi yamaphandle ayengoozimele geqe kwakunye nemikhosi eyayilwela inkululeko, yayiyinkqubo enzima kakhulu, kodwa yezisa ubumbano phakathi kwabo babeziintshaba edabini. UBrigadier General Abel Nelwamondo waseThohoyandou eLimpopo, ngomnye wabo babephambili ekuchithweni nasekuhlanganisweni kwale mikhosi, ze kwabunjwa umkhosi wokhuselo weloMzantsi Afrika omtsha ngonyaka ka-1994. UMzantsi Afrika ubhiyozela usuku olubizwa iArmed Forces Day namhlanje eThohoyandou. UZukiswa Tshume uza nengxelo esiyiqulunqelwe nguRudzani Tshivhase...
30 MINUTES LIVE - SADTU outraged at SACE's decision to impose a monthly subscription fee to educators
Imanyano yooTishala kweli iSADTU, imemelela ukuba iSouth African Council for Educators (SACE), irhoxise imali yobulungu yenyanga ekumele ihlawulwe ziititshala ezingasebenziyo. Le manyano ithi lomrhumo ubeka umthwalo onzima kubafundi abagqibe izifundo zabo kodwa bengafumani misebenzi. Ukuva banzi ngalo mba, emnxebeni, uAyabonga Kekana ubambe ophuma kwi SADTU uXolani Dube...
30 MINUTES LIVE - Suspended Deputy Police Commissioner, General Shadrack Sibiya continues to testify at the Madlanga Commission
Onqunyanyisiweyo njengosekela-mkomishinala wamapolisa uGeneral Shadrack Sibiya, uyaqhuba nokunika ubungqina kwikomishini yophando kaMadlanga ePitoli. USibiya utyholwa ngokuba nobudlelane nabatyholwa ngokubayinxalenye yomkhambathi woonqevu ongenelele kwinkonzo yesipolisa, u-Vusumuzi "CAT" Matlala kunye noKatiso "KT" Matlala. Izityholo ezivele phambi kwale komishoni zezokuba uMatlala kunye noMolefe banika uSibiya imali kuba befuna ukhuselo ekubanjweni kwimikhuba yabo yolwaphulo-mthetho. Emnxebeni uAyabonga Kekana ubambe intatheli yeli jelo, uSibahle Motha…
30 MINUTES LIVE - 𝗨𝗙𝗦 𝘀𝘁𝘂𝗱𝘆 𝗱𝗲𝘁𝗲𝗰𝘁𝘀 𝗵𝗼𝗿𝗺𝗼𝗻𝗲-𝗱𝗶𝘀𝗿𝘂𝗽𝘁𝗶𝗻𝗴 𝗰𝗵𝗲𝗺𝗶𝗰𝗮𝗹𝘀 𝗶𝗻 𝗺𝗲𝗻𝘀𝘁𝗿𝘂𝗮𝗹 𝗽𝗿𝗼𝗱𝘂𝗰𝘁𝘀
Uphando olutsha olwenziwe liziko lemfundo ephakamileyo iUniversity of Free State, luveze inkxalabo enkulu engempilo ngokungqamene nezixhobo ezisetyenziswa ngamanina xa esexexheni (Menustual pads and Pantyliners), ezithengiswa eMzantsi Afrika. Iingcali zenzululwazi zifumanise ukuba i-pads kunye ne-pantyliners ezivavanyiweyo ziqulathe umchiza ophazamisana nenkqubo yendalo yokuba sexesheni (Endocrine-disrupting chemicals). Ngenxa yoku oluphando luphakamisa inkxalabo kubathengi nabasebenzisi bezimveliso ngokhuseleko lwazo, nempilo yabo. On the line now Ayabonga Kekana is joined by one of the Researchers at the UFS Chemistry Department, Prof Deon Visser...
30 MINUTES LIVE - EC loses more jobs
Ngokweenkcukacha-manani ezikhutshwe liziko leenkcukacha-manani, iStats SA, iphondo iMpuma Koloni lelona phondo linelona qondo lixhomileyo le ntswela-ngqesho kweli, nelikumyinge ka 42.5%. Oku kudandalaziswe kwiinkcukacha-manani zekota yesine ka-2025 ezigxile kwezengqesho. Ngokwala manani, awona macandelo achaphazeleke kakhulu ngawezolimo, icandelo lezemali neleenkonzo zoluntu. Ukuxoxa banzi ngalo mba, emnxebeni uAyabonga Kekana ubambe othethela urhulumente wephondo, uKhuselwa Rantjie...
TRUNEWS @6 - COGTA Deputy Minister, Dickson Masemola, says the Coalition Bill must be finalized as soon as possible
Usekela-mphathiswa weSebe lolawulo ngentsebenziswano nemicimbi yemveli, uDickson Masemola, uthi umthetho oyilwayo ongqamene noorhulumente benkazathi, iCoalition Bill ngolwasemzini, kufuneka uqukunjelwe ngokukhawuleza. UMasemola ugxininise ukubaluleka kokupasiswa kwalo mthetho uyilwayo kunyaka wokubanjwa konyulo, ukuze ube semthethweni khon' ukuze ube ngumkhombandlela koomasipala abalawulwa ngenkazathi. Lo mthetho uyilwayo ujoliswe ekwenzeni ukuba ulawulo ngenkazathi phakathi kwamaqela ezopolitiko luqamangele ngokomthetho, usazisa inani elifunekayo kwizihlalo zebhunga, kwaye unciphisa nenkqubo yesiphakamiso sokubonisa ukuphelelwa lithemba, phakathi kwezinye izinto. Lo mthetho uyilwayo ukwavumela usomlomo webhunga ukuba akwazi ukuqesha iqela elizimeleyo eliza kuqinisekisa ukunyaniseka kwesindululo sokukhutshwa kukasomlomo, umbhexeshi, usodolophu okanye isekela lika sodolophu kwi ofisi. UZukiswa Tshume uza nengxelo esiyiqulunqelwe nguZara Groenewald...
TRUNEWS @6 - The national Department of Health says the rollout of Lenacapavir, a six month HIV prevention injection, will happen in six provinces anytime between April and June this year
ISebe lezempilo kuzwelonke lithi ukukhutshwa kwesigonyo seenyanga ezintandathu, iLenacapavir, nesithintela intsholongwane ka gawulayo, kuzakwenziwa kumaphondo amathandathu phakathi kwenyanga kaTshazimpuzi ukuya kweyeSilimela kulo nyaka. Lamaphondo aquka uMntla Ntshona, iKwaZulu Natal, iGauteng, iMpumalanga, iMpuma Koloni kwakunye neNtshona Koloni. Kwintetho yakhe engobume besizwe, umongameli uCyril Ramaphosa ubhengeze ukuba urhulumente uzakubamba inkqubo yokuhanjiswa kwezigonyo zokuthintela iHIV. URamaphosa uthi le nkqubo iyinxalenye yeenzame zikarhulumente zokuthintela nokucutha le ntsholongwane. UAmanda Xhala uza nengxelo esiyiqulunqelwe nguThabiso Moss...
TRUNEWS @6 - Former TRC Commissioner, Yasmin Sooka's testimony to the TRC inquiry
Inkqubo yophando ngamatyala ekomishoni yenyaniso noxolelwaniso, iTRC, kumele iqwalasele owayesakuba yintloko yegunyabantu lezotshutshiso iNPA, uShamila Batohi, ngokusilela ukuthatha uxanduva lokutshutshisa kumatyala amayela nale komishoni. Oku kuvakaliswe ngowayesakuba ngumkomishinala walekomishoni uYasmin Sooka, kubungqina bakhe kwinkqubo yophando eqwalasela iinzame zokulibazisa uphando nokutshutshisa abo babandakanyekayo, neqhubayo eNewtown eRhawutini. Kusuku lwesihlanu lokuphulaphulwa kwezimvo zoluntu, uSooka ubenemibuzo ngendima yabo babesakuba ngoomongameli uThabo Mbeki noJacob Zuma, ngokuphathelene nokuqubisana nalamatyala wagxeka nokuba kungathathwanga manyathelo ngakwabo bebemele ukujongana notshutshiso. Ingxelo ka Busi Bopela siyenzelwa nguVuyolwethu Mabeqa...
30 MINUTES LIVE - Parents are to protest outside Noncampa Primary School today
Abazali besikolo samabanga aphantsi iNonkcampa eQonce, kulindeleke ukuba babambe uqhankqalazo namhlanje, bekhalaza ngokungaselwaso kwezikhalazo zabo liSebe lezemfundo kwiMpuma Koloni. Aba bazali bathi sele isisithuba esingangonyaka enye yeetitshala zesi sikolo ingasayi esikolweni, nto leyo ebeka imfundo yabantwana babo emngciphekweni. Ukuva banzi ngalo mba, emnxebeni uAyabonga Kekana ubambe usihlalo webhodi elawula esi sikolo, uXolani Mei...
30 MINUTES LIVE - The case against three people accused of murdering an e-hailing driver in Pretoria has been postponed to next Monday for further investigations in the Pretoria Magistrate's Court.
Bayalile ibheyile abatyholwa abathathu, abayanyaniswa nokubulawa komqhubi we e-hailing, kwinkundla kamantyi yasePitoli. Iingxelo zamapolisa ezingekagqibeleli zibonisa ukuba umtyholwa ubulewe yindoda nowasetyhini nabebebize esi sithuthi ngoLwesithathu weveki ephelileyo. Ukuva banzi ngalo mba, emnxebeni uAyabonga ubambe intatheli yeli jelo, uNonhlanhla Ntshingila...
30 MINUTES LIVE - The Da in the Nelson Mandela Bay metro is calling for an urgent intervention to address escalating gang violence in the Northern Areas
Umbutho iDemocractic Alliance ubambe umgcelele namhlanje kuMasipala ombaxa iNelson Mandela bay, ngeenjongo zokumemelela ungenelelo ekulweni ubudlobongela nolwaphulo mthetho, eGqeberha eMpuma Koloni. Lo mgcelele ubanjwe ngaphandle kwesikhululo samapolisa sase Gelvendale. Abahlali kunye neenkokheli zoluntu kulindeleke ukuba babeyinxalenye yale ndibano. Ukuva banzi ngalo mba, emnxebeni uAyabonga Kekana ubambe intatheli yeli jelo, uLubabalo Dada...
COSATU SONA EXPECTATIONS
Ngokuhlwa nje kulindeleke umongameli wo-Mzantsi Afrika uCyril Ramaphosa enze intetho engobume belizwe, iState Of the Nation Address ePalamente eKapa. Phakathi kwezinto ekulindeleke azichaphazele kukuvezwa kwamathuba emisebenzi. Iqondo lentswela-ngqesho kweli limi kumyinge ka-31-point nine percent ekhulwini kwikota yesithathu kunyaka ka-2025. U Ayabonga Kekana ku 30 Munites Live ubambe udliwano ndlebe no Zanele Sabela othethela i COSATU
30 MINUTES LIVE - Pupils from a Ntabankulu school boycotted classes for the whole of last week in a desperate bid to get scholar transport
Abafundi besikolo iNdile Senior Primary kuNtabankulu eMpuma Koloni, bayekile ukuya eskolweni kule veki iphelileyo bekhalazela ukungabikho kwezithuthi zabafundi. Abazali bathi abantwana abakwiminyaka emihlanu ubudala bahamba iiyure ezimbini ngeenyawo, umgama okwiikhilomitha ezisixhenxe besiya esikolweni. Ukusabela ngoku, emnxebeni IuAyabonga Kekana ubambe othethela iSebe lezothutho kweli phondo, u-Unathi Binqose...
SAECDTU addresses injustices faced by grade R teachers
Imanyano yabasebenzi kwicandelo lemfundo i South African Childhood Development Teachers United, iye kwinkundla ephakamileyo yase Pitoli inyanzelisa ukuba kuqwalaselwe ukungalingani kwindlela yempatho kweetishala zika grade R kweli, nezinye zamanye amabanga. Lemanyano ibanga ngelithi iitishala zika grade R apha eMzantsi Afrika azifumani malungelo afanayo nalawo wezinye, zifumana imivuzo engaphantsi, azifumani namaqithiqithi athile athi afunyanwa zezinye iitishala. Umongameli walemanyano u Gqirha Bafana Langa uncokola nomsasazi wethu u Ayabonga Kekana ngoku.....
NEWS REVIEW - Artisanal Mining in South Africa and its impact on the human rights of surrounding communities
Ukombiwa kwemigodi ngumntu okanye liqela labantu eMzantsi Afrika, nababizwa amaxesha amaninzi ngokuba ziiZama Zama, akukho mthethweni, kuba kwenziwa ngabantu abangenazo iilayisenisi zokwenza lo msebenzi. Ukugrunjwa kwemigodi ngaba bantu kusoloko kusayanyaniswa nolwaphulomthetho, kuquka impilo yaba bombi-mgodi nokhuseleko lwabo, ifuthe loku kolusingqongileyo, ukusetyenziswa kwabantwana abaselula nodushe kolu shishino. Kuloko ikomishoni yamalungelo oluntu kweli, iSAHRC ngamafuphi, urhulumente kwanuye nabo bathabatha inxaxheba kulo mba, begqibe kwelokuba babambe uphando olugxile kumgqaqo-nkqubo ongqamene nokombiwa kwemigodi luluntu okanye amaqela abantu kweli, i-artisanal mining ngolwasemzini, ngelokuqinisekisa ukuba lwenziwa kulandelwa umthetho. Kule veki, le komishoni ibibambe umlenze wesibini wolu phando, nalapho ibikwafuna ukuqwalasela ukuba lingakanani na ifuthe loku kuluntu oluhlala kwiindawo ezinemigodi. Ukuxoxa banzi ngalo mba, emnxebeni uAyabonga Kekana ubambe umkhomishinala ophuma kwikomishoni yamalungelo oluntu, uNomahlubi Khwinana...
TRUNEWS @6 - Shoprite Group extends 2026 bursary intake as applications open
Inkampani yakwaShoprite ivule ithuba lokuxhasa ngemali abafundi abazakwenza izifundo ezifana ne Retail Business Management, iAccounting phakathi kwezinye. Le bursary ihlawulela nezinye izidingo zabafundi kuquka indawo yokuhlala nokutya. Ukuva banzi ngalo mba, emnxebeni uAmanda Xhala ubambe okhokheleyo kwicandelo iEarly Careers and Talent Development kwaShoprite, uLungile Koti...
30 Minutes live | DA MP Kohler Barnard to testify before the Ad Hoc Committee today
Ilungu lepalamente le DA u Diane Kohler Barnard, lilindeleke ukuba livele phambi kwekomiti yepalamente ephanda ungenelelo lwepolitiki namaqela oonqevu kwinkonzo yesipolisa. Oku kulandela izityholo ezenziwe ngumkomishinala wamapolisa ase KZN u General Nhlanhla Mkhwanazi, zokuba wadiza iinkcukacha ezifihlakeleyo zobuntlola. U Kohler Barnard uziphikile ezizityholo. Ukuvela kwakhe phambi kwalekomiti kungabangela intandabuzo ngakumalungu epalamente. Ayabonga Kekana uncokola nentatheli yeli jelo le ndaba u Abongwe Kobokana...
30 MINUTES LIVE - Adv Andy Mothibi's appointment as new NDPP challenged
Inkampani yamagqwetha i-B Xulu & Partners Incorporated, ibhenele kwinkundla ephakamileyo yaseRhawutini ngelifuna ukuba le nkundla ibekele bucala isigqibo sikaMongameni Cyril Ramaphosa, sokuchonga u-Advocate Andy Mothibi njengentloko entsha yegunya-bantu lezotshutshiso, iNPA. UMothibi nobekhokela icandelo elikhethekileyo lophando iSIU, uchongwe ngumongameli kunyaka ophelileyo ukuba akhokele i-NPA, nanjengoko ixesha lika-Advocate Shamila Batohi kule ofisi lifikelele esiphelweni, emva kweminyaka elishumi exhuzula imikhala. UAyabonga Kekana emnxebeni uncokola nengcali yezomthetho, u-Advocate Asanda Bleki...
Dept of employment and labour intends to classify artists as standard employees
Isebe lezemisebenzi nengqesho likhuphe isimemelelo sokuba abantu bavakalise uluvo lwabo ngakwiinjongo zelisebe zokuba abasebenza kwicandelo lobugcisa bachazwe njengabasebenzi, endaweni yokuba babengabasebenzi abazimeleyo, i-Independent contractors ngolwasemzini. Ngokwezizicwangciso, amagcisa azakuxhamla nawo kwamanye amaqithi-qithi aye afunyanwe ngabanye abasebenzi kwamanye amacandelo. Ukuva banzi ngezizicwangciso, emnxebeni sibambe ongumlawuli wezonxibelelwano kwisebe u Thembinkosi Mkhaliphi
30 MINUTESLIVE| Amathole District Municipality faces drought
Umasipala wesithili i-Amathole eMpuma Koloni, ujamelene nomngeni wokunqongophala kwamanzi. Yilonto lo masipala ukhuphe isilumkiso kuluntu ukuba lusebenzise amanzi ngononophelo. Lo masipala obonenelela ngeenkonzo zamanzi nogutyulo koomasipala iGreat Kei, i-Amahlathi, iMbashe, iMnquma, iRaymond Mhlaba kunye-Ngqushwa, uthi oomasipala abane kwabathandathu banomngeni wokungabinamanzi oneleyo, nanjengoko umthamo wamanzi kumadama usehla. Ngo-2015 lo masipala wabhengezwa njengommandla owonganyelwe yimbalela. Ayabonga Kekana uncokola nothethela uMasipala uSisa Msiwa.
30MinutesLive-Deregistration of three private higher institutions
Acinyiwe kuluhlu lwamaziko emfundo ephakamileyo abucala, amaziko afana ne-City Varsity kwakunye ne-ICESA City Campus. Oku kusemva kokuba umphathiswa wesebe lemfundo ephakamileyo uButi Manamela wabhalela iDamelin, City Varsity kwakunye neICESA, efuna ingcaciso yokuba kutheni engenakuvalwa. Kuyavakala ukuba asilele ukufaka iinkcukacha ezifana nengxelo yesimo semali, iimpepha zerhafu, phakathi kwezinye iinkcukacha ebezidingeka. Ayabonga Kekana uncokole nomlawuli kwicala elijongene namaziko abucala kwisebele lemfundo ephakamileyo ugqirha Shaheeda Essack.
30MinutesLive-KZN Hawks Head, Major-General Lesetja Senona continues with his testimony at the Madlanga Commission
Intloko ye-Hawks KwaZulu-Natal uMajor-General Lesetja Senona, iyaqhuba nokunikeza ubungqina kwikomishoni kaMadlanga nephanda izityholo zorhwaphilizo, ungenelelo loomkhambathi woonqevu kunye nefuthe lezopolitiko kwinkqubo yokulwa ulwaphulo-mthetho nobulungisa kweli. Kubungqina bakhe izolo, uSenona unike ingcaciso ngobudlelane bakhe noVusumzi "Cat" Matlala, nangentlanganiso eyayiphakathi kukaMatlala kunye nomkomishinala wenkonzo yesipolisa KwaZulu-Natal, uGeneral Nhlanhla Mkhwanazi, ze wenza nezityholo zokuba uye wagrogriswa nguMkhwanazi. UAyabonga Kekana uncokola nentatheli yeli jelo elandela le komishoni, uSibahle Motha
NEWS REVIEW| The unconstitutionality of Section 10(2) of the Recognition of Customary Marriages Act 120 of 1998 explained...
The Constitutional Court declined to confirm an order of constitutional invalidity made by the High Court which declared Section 10(2) of the Recognition of Customary Marriages Act of 120 of 1998 unconstitutional. Ayabonga explored this section with legal experts, Advocate Asanda Bleki and Attorney Associate Vuyo Sobantu...
30MinutesLive-Portfolio Committee on Mineral and Petroleum Resources conducts oversight visits focusing on the impact of illegal sand mining within the Nelson Mandela Bay Metropolitan Municipality
Ikomiti ejongene nezimbiwa epalamente ibambe utyelelo lokuhlola ifuthe lokombiwa ngokungekho mthethweni kwesanti, kumasipala ombaxa iNelson Mandela Bay. Oku kulandela izindululo ezaamkelwa yile komiti ngeyeNkanga kunyaka ophelileyo, nalapho yaphawula ukwanda kweziganeko zokombiwa ngokungekho mthethweni kwesanti kumaphondo iMpuma Koloni neKwaZulu-Natal. Ukuxoxa banzi ngalo mba, uAyabonga Kekana uncokole nosihlalo wekomiti yezimbiwa epalamente, uMikateko Mahlaule
30 MINUTES LIVE - Madlanga commission back in action today
Kukho ingqina elitsha namhlanje kwikomishoni kaMadlanga emva kokuba ibithathe ikhefu kwinyanga ephelileyo. Ingqina lokugqibela kulekomishoni kunyaka ephelileyo, yayingumphathiswa wamapolisa onqunyanyisiweyo uSenzo Mchunu. Ngomhla wamashumi asixhenxe kwinyanga yoMnga, le komishoni yakhupha ingxelo yethutyana nanjengoko isigaba sokuqala sele sigqityiwe. Le komishoni yamiselwa ngumongameli uCyril Ramaphosa emva kokuba umkomishinala wamapolisa KwaZulu-Natal, uGeneral Nhlanhla Mkhwanazi, wabiza indibano noonondaba nalapho wenza izityholo ngolwaphulo mthetho olwenzeka ngaphakathi esipoliseni. Emnxebeni, uAyabonga Kekana ubambe intatheli elandela eli nqaku, uSibahle Motha...
30MinutesLive-Three teachers have died after a shooting incident in Ntabankulu Primary School in the EC
Isebe lezemfundo eMpuma Koloni lingqinile ukuba ititshala yesithathu yesikolo samabanga aphantsi iNtabankulu, iswelekile. Oku kulandela isehlo sokudutyulwa kweetitshala ezimbini ngaphakathi kumasango esi sikolo izolo, waze umenzi wesisehlo wajongisa umpu kuye wazibulala. Kutyholwa ukuba umenzi woku, ebengusekela nqununu onqunyanyisiweyo. UAyabonga Kekana uncokole nentatheli yeSABC uFundiswa Mhlekude.
30 Minutes Live| Section 10(2) of Customary Marriages Act explained
The Constitutional Court declined to confirm an order of constitutional invalidity made by the High Court which declared section 10(2) of the Recognition of Customary Marriages Act 120 of 1998 unconstitutional. Ayabonga Kekana speaks with legal expert Vuyo Sobantu.
30MinutesLive-Home Affairs Department is conducting public hearings for the Draft Revised White Paper on Citizenship, Immigration and Refugee Protection
Isebe lemicimbi yezekhaya libambe indibano yokufumana uluvo loluntu ekuqulunqweni kwephepha elihlahlela ukumiliselwa komgaqo-nkqubo olawula ukubhaliswa kobumi belizwe, ulawulo lwemithetho yabemi bamazwe angaphandle abakweli eMzantsi Afrika; kunye nokhuseleko lweembacu ezikweli, iDraft Revised White Paper on Citizenship, Immigration and Refugee Protection ngolwasemzini . . Eminye yemiba eli phepha elifuna ukuba ishukuxwe luluntu, kukubhaliswa kwabemi bamazwe angaphandle, ukunikwa ubumi bezwe kujongwe igalelo labo kuphuhliso loqoqosho, ingqesho kunye negalelo abanalo kwimo-ntlalo yeli. UAyabonga Kekana uncokole nothethela isebe lemicimbi yezekhaya uThulani Mavuso ecacisa ngeliphepha…
30 MINUTES LIVE - Former IPID Head, Robert McBride expected to appear before the Ad Hoc Committee
Uvela phambi kwekomiti yethutyana yasepalamente ephanda ngongenelelo lolwaphulomthetho, urhwaphilizo, nopolitiko kwinkonzo yezobulungisa, owayesakuba yintloko yonozikhalazo ngakumapolisa, i-IPID ngamafuphi, uRobert McBride. U-McBride ujamelene nezityholo eziliqela zokungaziphathi ngendlela, kwa nokusebenzisana nabantu abaquka umphandi wabucala, uPaul O'Sullivan, ukuba bangcolise igama lamagosa aphezulu athile esipoliseni, nafana nowayesakubambela nje ngomkhomishinala wamapolisa, uKhomotso Phahlane. Ukuva banzi ngalo mba, emnxebeni uAyabonga Kekana ubambe intatheli yeli jelo epalamente, uMkhokheli Bandla...
30 MINUTES LIVE - World Economic Forum is underway in Davos
Iyaqhuba indibano eliqonga lokunxibelelana kwamazwe, amashishini kunye nabatyali-mali ngeenjongo zokwakha ubudlelane boshishino, ukudalwa kwemisebenzi nophuhliso loqoqosho, iWorld Economic Forum eDavos eSwitzerland. UMzantsi Afrika lelinye lamazwe ayinxalenye yale ndibano kwaye lizakuzithengisa kakuhle nanjengoko liphumile kwi-Greylisting nebibonwa njengomngeni kutyalo-mali kweli. Ukuxoxa banzi ngalo mba, emnxebeni uAyabonga Kekana ubambe ingcali kwimiba yezoqoqosho, uNjingalwazi Bonke Dumisa…
30 Minutes Live| Buffalo City Metro's fight against cable theft 'syndicate'
The Buffalo City Metro in the Eastern Cape working with its law enforcement services and the South African Police Service have arrested about nine people linked to cable theft. As they conducted operations across the metro, they discovered an illegal scrapyard in Bisho fronting as a tavern. The municipality says the crime has a negative impact on service delivery. Ayabonga Kekana is in conversation with BCM's Safety and Law Head, Advocate Boniswa Mzimba...
30 MINUTES LIVE - The dangers and consequences of vigilantism
Ngabantu abalishumi elinesihlanu eDebe Nek kwiMpuma Koloni abagwetywe isigwebo sobom ngamatyala amane okubulala, kwakunye neminyaka engamashumi amathathu anesihlanu ngawokuthimba nodushe lwasesidlangalaleni. Ezi zigwebo ziza kuqhuba ngexesha elinye. Ngokomthetho, ukuthabathela umthetho ezandleni zakho, yinto engakhuthazwayo. Oku, abahlali kwakunye namaqonga opoliso asekuhlaleni, bathi ngamaxesha amaninzi bakwenza ngenxa yokuba belahlekelwe lithemba ngakwinkonzo yezobulungisa. Ukuxoxa banzi ngalo mba, emnxebeni uAyabonga Kekana ubambe ingcali kwimiba yezolwaphulomthetho, uGqirha Thompho Tshivhase.
30MinutesLive-Flood-hit communities have been classified as a national disaster
Umphathiswa wentsebenziswano ngorhulumento uVelenkosini Hlabisa, ubhengeze imo yonxunguphalo kwazwelonke, emva kwezikhukhula ezintlithe amaphondo iLimpopo neMpumalanga. Ukuzakuthi ga ngoku, bangamashumi amathathu anesixhenxe abantu abathe basweleka kulamaphondo omabini, eMpumalanga bangamashumi amabini ngelithuba eLimpopo belishumi elinesixhenxe. Amakhaya adilikile, ibhulorho neendlela zikhukhulesikile kulamaphondo. UAyabonga Kekana uncokole noyintloko yeziko elijongene nolawulo lweentlekele kuzwelonke, ugqirha Bongani Sithole.
30 MINUTES LIVE- Universities only have space for about 230 000 students, leaving a shortfall of over 100 000 students that can't be accommodated.
Inkqubo yemfundo ephakamileyo eMzantsi Afrika ijongene nengxaki yokuxinana kakhulu, ngenxa yezicelo ezingaphezulu kweendawo ezikhoyo. Amaziko emfundo ephakamileyo eli athi inani labantwana abaphumeleleyo nabanama nqaku oneleyo ukwamkwelwa eUniversity, lodlula umthamo okhoyo kwiUniversities nakwi TVET colleges. Isebe lemfundo ephakamileyo lithi lifumene izicelo ezingapha kwe 230 000 kulo nyaka. Amanda Xhala uncokola noyiCEO yeUniversities South Africa uGqirha Phethiwe Matutu...
30 MINUTES LIVE - EC school readiness for the 2026 academic year
Zivulwe ngokusesikweni izikolo namhlanje kumaphondo onke elizwe loMzantsi Afrika. ISebe lezemfundo kwiphondo iMpuma Koloni lithi likulungele ukuqhuba nonyaka wokufunda ka-2026. Nangona kunjalo, isekhona yona imingeni esathwaxa inkqubo yokufunda nokufundisa kwimimandla ethile, nequka ukugcwala ngokugqithisileyo kwamagumbi okufundela, ukungafumani ndawo zokufundela kwabafundi, kwakunye nongenelelo kwizikolo ezathwaxwa zizikhukhula zonyaka ophelileyo, phakathi kwezinye izinto. Ukuxoxa banzi ngalo mba, uAmanda Xhala ubambe emnxebeni othethela iSebe kwiphondo, uMalibongwe Mtima...
30 MINUTES LIVE - Ongoing water crisis in Buffalo City Metro.
Abahlali kuMasipala ombaxa iBuffalo City basaqhubeka nokujongana nomngeni wokuqongophala kwamanzi, ukucima nokubuyiselwa kwawo rhoqo, kunye nenkxalabo enkulu ngomgangatho wamanzi aphuma kwiimpompo zamakhaya abo. Ezinye zendawo ebezethe zachaphazeleka ziquka iMonti, Mdantsane kunye neBhisho. Amanda Xhala uncokola noyintloko kwincandelo lwamanzi ngogutyulo kulo masipala uMkhuseli Nongogo (Hod for water and sanitation)
30 MINUTES LIVE - The Competition Commission continues to monitor schools' adherence to school uniform guidelines with regards to agreements with retails and suppliers
Ngonyaka ka-2021, ikomishoni ephanda, ilawule, ze ivavanye indlela amashishini awenza ngayo ushishino, iCompetition Commission, yapapasha imigaqonkqubo echaza ukuvunyelwa kwabazali ukuba bangathenga naphina iyunifomu yesikolo yabantwana babo, banganyanzeliswa zizikolo ukuba bathenge kwindawo enye kuphela. Oku kulandela izikhalazo, nalapho abazali babenyanzeleka ukuba bahlawule inkuntyula yemali ukuthenga iyunifomu ezikolweni okanye kwindawo leyo imiselwe sisikolo kuphela. Ukuxoxa banzi ngomgama osele uhanjwe yile komishoni ekuqinisekiseni ukuba oku kuyenzeka kusini na, emnxebeni uAmanda Xhala ubambe oyi Senior Analyst kwiCompetition Commission, uSithabiso Buthelezi...
30 MINUTES LIVE - We look at how matric learners can be supported by their parents as they are anxiously waiting for their results and the support SADAG provides
Balinde ngexhala noloyiko abafundi ebebebhala iimviwo zebanga leshumi kunyaka ophelileyo, njengoko bezakufumana iziphumo zabo ngomso. Ngokuhlwa namhlanje umphathiswa wesebe lezemfundo esisiseko uSiviwe Gwarube uzakubhengeza iziphumo zamaphondo nendlela isebe eliqhube ngayo kuzwelonke, kuwongwe nabafundi abaphumelele emagqabini. Sithe makhe sizame ukuthoba amaxhala nokoluleka abo basilindele ukuzibona kumaphepha-ndaba ngomso. On the line now our reporter, Amanda Xhala, is joined by SADAG Call Centre Manager, Tracy Feinstein...
An analysis of ANC's 114th birthday and relevance.
I-ANC ibibambe umbhiyozo wokusekwa kwalo mbutho ngonyaka ka-1912, wokubugqiba iminyaka elikhulu elineshumi elinesine wasekwayo. Le mibhiyozo ibibanjelwe eRustenburg eMtla Ntshona, nalapho umongameli we-ANC uCyril Ramaphosa eye wavuma ukusilela kwalo mbutho kwinkqubo yonikezelo lweenkonzo nakulawulo koomasipala abaphantsi kobunkokheli beqela lakhe. Uye wabalula nendlela eli qela elijonge ukuzilungisa lizivuselele ngayo ukulungela unyulo loomasipala oluzakubanjwa kulo nyaka.. Kwintetho yakhe uRamaphosa ubalule imiba ephambili emithandathu nesizakuhlalutya yona apha enkqubeni namhlanje. Ayabonga Kekana uncokola nabahlalutyi bezopolitiko norhulumento, uDr Xolisile Ngumbela kunye noHlumelo Xaba...
30MinutesLive-National Consumer Commission has announced the recall of a specific batch of Nestle NAN Special Pro HA infant formula
Ikomishoni ejongene neemfuno zabathengi, iNational Consumer Commission, ibhengeze ukumiswa kokuthengiswa kwemveliso yobisi lweentsana iNestle NAN. Kwaye le komishoni ibongoza abathengi abasele bezithengile ezimveliso zobisi ukuba bazibuyisele kwiivenkile ebebezithenge kuzo. UAyabonga Kekana uthethe nophuma kule komishoni uPhetho Ntaba.
30 Minutes live: NSFAS concludes all funding decisions for 2026.
Iziko lengxowa-mali exhasa abafundi kumaziko emfundo ephakamileyo uNSFAS, libhengeze ukuqukumbela inkqubo yokwamkela izicelo zokuxhasa abafundi kunyaka ka-2026. Kwaye bonke abafundi abazakuxhamla kule ngxowa-mali kulo nyaka bangajonga ubume bezicelo zabo kwiqonga le-internet lika-NSFAS, besebenzisa iinkcukhaca zabo. Ayabonga Kekana uncokola nophuma kweliziko, uIshmael Mnisi..
New NDPP appointment
Uzakuqala ukukhokela igunya bantu lezotshutshiso uAdvocate Andy Mothibi ngomhla wokuqala kweyoMdumba ( February). Umongameli uCyril Ramaphosa wonyule uAdvocate Mothibi njengentloko yegunya bantu lezotshutshiso, ntoleyo ebonwe njengesigqibo esothusayo. UAdv Mothibi ebengeyonxalenye yabagqatswa abathandathu abe behlelele udliwano ndlebe lwesi sikhundla. Ngokwangoku uMothibi yintloko yecandelo elikhethekileyo lophando. Ayabonga Kekana speaks with a senior lecturer in criminal law at the University of KwaZulu-Natal, Dr Suhayfa Bhamjee.
STATE OF RECONCILIATION
Isimo soxolo noxolelwaniso eMzantsi Afrika sisabonwa njengenkqubo esaqhubayo enobuzaza nesele ikwazile ukuzisa uxolo nokuhlalelana, kodwa isajamelene nemingeni yonkungalingani nezinye iingxaki ezingeka sonjululwa zexesha localucalulo. Namhlanje kwinkqubo yakho u NewsReview sithi makhe siqwalasele esisimo soxolelwaniso eMzantsi Afrika, nalapho sinenjongo yokuphonononga imiba eliqela ekuquka kuyo impumelelo nenkqubela esele yenziwe, imingeni, nendlela emiliselwe ngayo lenkqubo eMzantsi Afrika. u Ayabonga Kekana wenze udliwano ndlebe nomhlalutyi wezopolitiko u Sandile Swana....
30 minuteslive: The Black Lawyers Association (BLA) has thrown its weight behind Justice Department Minister Mmamoloko Kubayi's call for mandatory lifestyle audits for prosecutors.
Umbutho wamagqwetha i-Black Lawyers Association, uyasixhasa isimemelelo sika mphathiswa wesebe lezobulungisa uMmamoloko Kubayi, sokuba ibesisinyanzelo ukuba kuqhutywe uphicotho lwendlela yokuphila kwabatshutshisi (lifestyle audit ngelasemzinni). UKubayi unenkolelo yokuba olu phicotho luyakwenza indima eyiyo ekukhuseleni intembeko nesidima kumsebenzi wenkqubo yezobulungisa kweli. Ayabonga Kekana ubambe udliwanondlebe umongameli walombutho, uNkosana Francois Mvundlela…
30 minuteslive:Unpaid Debt: NSFAS leaves students struggling
Nanjengoko kuqala unyaka omtsha wezemfundo, amawaka abafundi abaxhaswa yi-NSFAS azifumana enamatyala angakwazi ukuwahlawula. Uninzi lwabo babane ngxaki zokubhalisa ngenxa yalamatyala, nto leyo eye inyanzelise abanye ukuba bayeke phakathi izifundo zabo. Nabo basele begqibile ngezifundo zabo bakhangela imisebenzi bayachaphazeleka, njengoko amaziko ebamba iziqinisekiso zemfundo zabo ngenxa yamatyala angahlawulwanga, oku kwenza kunzima ukuba bafumane imisebenzi. Ayabonga Kekana uncokola nophuma kumbutho wabafundi i-SAUS, uBuhle Mchunu...
USA vs VENEZUALA
Kulindeleke avele enkundleni eNew York eMelika namhlanje umongameli waseVenezuala, uNicolas Maduro, emva kokubanjwa ngumkhosi waseMelika. NgoLwesihlanu kuye kwahlaselwa ikomkhulu laseVenezuala nalapho abanjwe khona uMaduro nenkosikazi yakhe uCelia Flores. Bajamelene namatyala okushishina ngeziyobisi nezixhobo. Sele kulithuba ubudlelane beMelika neVenezuala bungebuhlanga. Ilizwe loMzantsi Afrika liye lamemelela ukubanjwa kwentlanganiso ekhawulezileyo yi-United Nations Security Council ngelithi ilizwe laseMelika linyhashe isibhambathiso samazwe ayinxalenye yeUnited Nations. UAyabonga Kekana uncokole nengcali yemiba yamazwe angaphandle ugqirha Mkhuseli Vimba.
Save video to ...
